web counter
LEXO PA REKLAMA!

SHKARKO APP

App Store
Google Play

E fundit!

x

Paralajmëron Artan Lame/ “Jam gati të bëhem hero të mbroj heronë-njeri”

1 Shtator 2017, 13:50, Aktualitet CNA

Ish-drejtori i ALUIZNIT, Artan Lame i njohur për qëndrimet e tij kritike kryesisht në fushën e historisë, ka reaguar ashpër pas ?incidentit? të sotëm në sheshin Skënderbej ku u mbulua nga një ledëall gjigand pjesa e përparme e heroit Kombëtar Skënderbeut gjatë faljes mes rastin e Kurban Bajramit.

Lame, i cili ka shkruar shpesh edhe për Skënderbeun duke ?qeshur? e duke u tallur, siç thotë vetë ai, këtë herë ka qenë i gatshëm të bëjë heroin njeri për të shpëtuar heroin.

REAGIMI I PLOTË

 

JE SUI SCANDERBEG

E kam qeshur e jam tallur me Skënderbenë, sa pa dyshim e kam tepruar. Kam bërë ironi dhe i kam rënë në qafë, sa s’di si më ka duruar. Por i kam bërë këto se e dua Skënderbenë njeri me mish e kocka me halle e telashe, jo si një mit të kalçifikuar nga ata që pastaj themi “pale a ka qenë”.
Ashtu sikundër çdo i krishterë i mirë, e do Jezunë si njeri që zbriti mes vdektarëve e dha jetën për ta. Ashtu sikundër çdo muhamedan i mirë, e do Muhametin si njeri që ulur këmbëkryq u shpjegon të thjeshtëve udhën e drejtë. Ashtu edhe unë e dua Skënderbenë si njeri që mes njerëzve të tij, me gjoks përballte të keqen e madhe të kohës vet, ndërsa me kurriz mban edhe llafet e kohës sonë.
Por sot Skënderbenë tim ma zunë me perde që të mos shihej se si mbretëron e kalëron mbi kalë tash 550 vjet. Sot i zunë të pamët të mos i shihte, neser një zot e di se çdo t’i bëjnë.
Ndaj sot jam i gatshëm nga njeri të bëhem hero, për të mbrojtur heronë-njeri. Sot ndjehem i gjithi “je sui Skanderbeg”. E në qofshim shumë, s’kanë ç’i bëjnë heroit.
A.

/Citynews





Lajmet e fundit nga