web counter
LEXO PA REKLAMA!

SHKARKO APP

App Store
Google Play

Krimi që tronditi Kamzën/ Flet dëshmitari i ngjarjes: E pashë që po rrinte me automatik në dorë

22 Gusht 2017, 12:03, Aktualitet CNA

 

Pak ditë më parë një ngjarje e rëndë ndodhi në Kamëz, ku 60-vjeçari Halil Lita vrau me armë zjarri gruan e tij, Dije Lita, dhe më pas kreu vetëvrasje.

Personi i fundit me të cilin ka folur 60-vjeçari pak momente pasi kishte vrarë bashkëshorten, është vëllai i tij, i cili jeton në shtëpinë pranë tij.

Ai ka rrëfyer se për një moment ka dëgjuar të shtëna me armë zjarri dhe më pas ka dalë për të parë se çfarë po ndodhte te shtëpia e vëllait.

Kur ka dalë jashtë, ai ka parë 60-vjeçarin me një automatik në dorë, i cili në një gjendje të rënduar psikologjike ka thënë se gjithçka ka mbaruar.

Më pas ai futur brenda me shpejtësi dhe ka qëlluar edhe veten. Vëllai ka treguar se ka nxituar që ta ndalojë, por ishte tepër vonë.

?Kur dëgjova të shtënën e armës dola me nxitim nga shtëpia për të parë se çfarë po ndodhte në shtëpinë e Halilit. Sapo kam arritur të hap portën e shtëpisë së tij, e kam parë që po rrinte te dera me automatik në dorë. E kam pyetur se çfarë po ndodhte. Ai ishte shumë i tronditur. ?Tani nuk kthehet asgjë mbrapsht. Gjithçka ka mbaruar?, më tha dhe u fut prapë në shtëpi. Kur unë hyra brenda, dëgjova një tjetër të shtënë arme. Më pas e gjeta të vrarë në kuzhinë?, ka treguar para oficerëve të Policisë, vëllai i autorit të krimit në familje./CityNews





Lajmet e fundit nga