web counter
LEXO PA REKLAMA!

SHKARKO APP

Policia me strategji të re për zaptimin e hapësirave publike/ Luftë ndërtimeve pa leje

22 Gusht 2017, 11:50, Aktualitet CNA

Drejtori i Përgjithshëm i Policisë, Haki Çako ka mbledhur ditën e sotme Drejtorët Vendorë të Policisë së Shtetit në një takim në qendër të të cilit ka qenë strategjia e re që do të ndjekë policia për ruajtjen e territorit.

Në komunikim me titullarët lokalë Çako ka thënë se do të bëhet një vlerësim i të gjitha strukturave të policisë së vendit tonë, ndërkohë që luftën ndaj paligjshmërisë së zaptimit të territoreve e ka vlerësuar si prioritare.

Për të arritur objektivin do të hartohet një strategji e re, e cila do të synojë parandalimin e fenomenit që është bërë shqetësues dhe ka pushtuar jo pak hapësira publike, mësohet të ketë thënë Çako.

Në bashkëbisedimin me shefat e policive vendore, Drejtori i Përgjithshëm i Policisë, Haki Çako, artikuloi se nga sot e në vijimësi për çdo efektiv policie që nuk vepron apo bëhet palë me pushtuesit e hapësirave publike, do të ketë ndëshkim të rreptë./CityNews





Lajmet e fundit nga