web counter
LEXO PA REKLAMA!

SHKARKO APP

App Store
Google Play

E fundit!

x

DASH publikon Raportin vjetor/ Shqipëria, korrupsion dhe sistem gjyqësor të dobët

19 Korrik 2017, 18:59, Aktualitet CNA

Departamenti Amerikan i Shtetit ka publikuar Raportin Vjetor të vendeve për terrorizmin në periudhën 1 janar deri 31 dhjetor 2016.

Në raport, vlerësohet se fenomeni i korrupsionit është i theksuar në Shqipëri, i cili duke u kombinuar gjithashtu me sistemin e dobët gjyqësor pengon përpjekjet për zbatimin e ligjit.

Duke u ndalur tek lufta kundër terrorizmit, sipas Raportit, vendi ynë ka bërë një punë të mirë duke parandaluar disa akte terroriste. Aty vlerësohet puna e bërë nga Policia e Shtetit në parandalimin e sulmit terrorist në ndeshjen Shqipëri ?Izrael ku u  arrestuan 4 persona të dyshuar, por edhe për parandalimin e sulmit në Shkodër në 12 nëntor, si rezultat i të cilit u arrestuan disa persona që akuzoheshin se kanë mbështetur financiarisht ISIS duke edhe rekrutuar njerëz për shtetin Islamik si dhe duke përhapur gjuhën e urrejtjes.

Bëhet e ditur, se për të luftuar një fenomen të tillë që ka prekur gjithë botën, Shqipërisë i janë ofruar pajisje dhe trajnim për të ndërtuar kapacitete për të mbledhur të dhënat e gjurmë gishtash në të gjitha pikat e kalimit kufitar.

Informacioni mund të kontrollohet kundër një bazë të dhënash kombëtare për individë të kërkuar në kohë reale. Kjo nismë ka përmirësuar aftësinë e Shqipërisë për të mbledhur të dhëna biometrike për individë të përzgjedhur në vendkalimet kufitare./CityNews





Lajmet e fundit nga