Video-Foto/Mashtrimi i Papagallit të Lulzim Bashës, ja e vërteta për Jozefina Topallin

8 Korrik 2017, 11:49, Aktualitet CNA

Papagalli i Lulzim Bashës, Ervin Salianji mbrëmjen e djeshme i ftuar në emisionin ?Përballë? të Lutfi Dervishit, duke shkuar përtej arsyes është munduar të mbuloje humbjen dhe dështimin e tij dhe të Lulzim Bashës në zgjedhjet e 25 qershorit.

I dërguari i Henri Çilit, Ervin Salianji, i cili është kthyer në një nga personazhet më qesharakë të momentit, pas emërimit të tij si deputet është kthyer në armën mbrojtëse të Lulzim Bashës. Prej kohësh Salianji sulmon publikisht kritikët e kreut të ngrirë të PD, por mbrëmë duke folur në emër të Bashës, ai zbuloi se Jozefina Topalli është jashtë liste pasi nuk ka bërë opozitë.

Konkretisht Salinji çilian tha, ?Më thoni një emër që ka bërë opozitë dhe nuk është në listat e PD. Jozefina Topalli nuk ka bërë opozitë. Jozefina Topalli nuk mori pjesë as në fushatën e Voltana Ademit në vitin 2015 për ta mbështetur?.

Siç do ta shihni edhe në videon e mëposhtme, kjo ishte akuza e Ervin Salianjit ndaj Jozefina Topallit,një prej personaliteteve më të rëndësishëm në atë parti, me figurën dhe kontributin e të cilës është nderuar jo vetëm Shkodra, por e gjithë Partia Demokratike.

Papagalli i Lulzim Bashës, Ervin Salianji, mbrëmë mashtroi hapur teksa akuzonte Jozefina Topallin, fakt ky që tregon se mashtrimin dhe gënjeshtrën i ka pjesë të tij dhe do t?i përdorë edhe në 4 vitet e ardhme si përfaqësues i popullit, por i emëruar nga Basha.

Përtej mashtrimeve, a e di papagalli i Lulit që Jozefina Topalli ishte e para që denoncoi publikisht ish deputetin Mark Frrokut, pavarësisht rrezikut që i kanosej? A e di Salianji se Jozefina Topalli është opozitarja që ka ngritur më shumë se kushdo zërin ndaj krimit që kishte kapluar qeverinë e Edi Ramës. A e di papagalli çilian se Jozefina Topalli është deputetja që ndërtoi kauzën e dekriminalizimit. Nëse të gjitha këto nuk i di, atëherë le t?i mësojë njëherë e mirë, që mos t?i dështojë edhe detyra e papagallit, siç dështoi më 25 qershor në fshatin e tij.

E përsa i përket angazhimit të Jozefina Topalli në fushatën e Voltana Ademit në Shkodër, faktet flasin dhe dëgjohen më shumë se mashtrimet e papagallit të Lulzim Bashës.Më poshtë sjellim foto që tregojnë mbështetjen që Jozefina Topalli i ka dhënë Voltana Ademit në Shkodër, në fushatën e 2015. Mbështetje, të cilën Salianji në emër të Lulzim Bashës u mundua ta baltoste dhe ta zhdukte, por faktet janë fakte dhe ato nuk i rrëzon dot askush, sado mashtrues i zoti të jetë./CityNews