E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

LSI del në mbrojtje të Shpëtim Idrizit/Prova dhe fakte se si iu vodhën votat në Tiranë

5 Korrik 2017, 19:15, Aktualitet CNA

Ish ministri i Drejtësisë, Ylli Manjani, i cili është përfaqësuesi i LSI ka dalë hapur në mbrojtje të kreut të PDIU, Shpëtim Idrizi.

Në një postim në rrjetet sociale, Manjani bën me dije se ka prova dhe fakte që vërtetojnë që PDIU iu vodhën 37 vota në Tiranë dhe se Shpëtim Idrizi e meriton të jetë në parlament.

Reagimi i plotë i Ylli Manjanit:

Mandat i vjedhur.
—–

Shpëtim Idrizin e ka votuar Tirana për të qenë deputet! Nuk kam asnjë dyshim për këtë gjë!

Falë regjistrimit video të numërimit të votave, cilido mund të bindet lehtësisht janë më shumë se 37 vota që i janë vjedhur PDIU për të arritur pragun ligjor.

Janë pamje e prova evidente që ato vota janë vjedhur nga duar të instruktuara qartë nga mendje të sëmura! Besoj se PDIU do ti ekspozojnë këto pamje, si prove e fortë në KQZ.

Shpetim Idrizi nuk është miku im politik! Qartësisht kemi qenë në koncepte e pozicione jo të njëjta politike. Por Ai është votuar nga zgjedhësit e qarkut Tiranë për të qenë deputet.

E drejta e do që Ai të shkojë në Kuvend në respekt të votës së dhënë! Na pëlpen apo jo pozicioni politik i Tij dhe i Partisë që drejton!

Pamjet filmike dhe prova te forta tregojnë se mandati i 18 i Rilindjes është i vjedhur! U vodhën vota në tavolinat e numërimit, aty ku PDIU nuk kishte numërues! Aspak çudi! Edhe në mes të Tiranës vidhet vota!

Ai mandat është i PDIU. Pavarësisht pozicionit të kësaj partie me PS e me pushtetin, mandati është i saj. Nuk kam asnjë dyshim.

Mbetet që KQZ të zbatojë ligjin dhe të vlerësojë këto prova, ti ballafaqojë ato edhe me të dhënat zyrtare që kanë kutitë dhe ti japë mandatin atij që i takon!

Këtë duhet ta bëjë për drejtësi e jo për favor! Shpresoj shumë që KQZ do ta bëjë transparencën e këtij maskarallëku! E përsëris, jo për Shpëtimin por për drejtësinë e zgjedhjeve! Në respekt të zgjedhësve që shkuan në mes të vapës për të zgjedhë atë që deshën.

Sa i takon idesë së zgjedhjeve “të lira” e “të ndershme”, shihni e shkruani!

Shkruani që ti mbani mend mirë se si vidhet vota!/CityNews