web counter
LEXO PA REKLAMA!

SHKARKO APP

App Store
Google Play

Pezullohet lëvizja “Shengen”, bllokime në trafik, vonesa në aeroporte dhe kufi

11 Maj 2017, 07:15, Aktualitet CNA

Ministria e Brendëshme italiane nëpërmjet një deklarate ka njoftuar se ka hyrë në fuqi pezullimi i Traktatit të Shengenit, njofton ?La Repubblica?.

Vendimi për të pezulluar përkohësisht efektet e marrëveshjes për lëvizjen e lirë të personave është marrë “për të siguruar standardet e nevojshme të sigurisë në samitin G7, që mbahet  në Taormina, më datat 26 dhe 27 maj, si  dhe samitin e ministrave të financave të Bashkimi Evropian që do të mbahet në Bari, nga data 11 në 13 maj.

Pezullimi është i vlefshëm vetëm për pasagjerët e fluturimeve ndërkombëtare, ndërkohë që procedurat për fluturimet e brendshme do të mbeten të pandryshuara. Nëpërmjet vendosjes së kësaj mase sigurie synohet rritja e kontrolleve kufitare, madje edhe për ata që vijnë nga vendet e të ashtuquajturës “zona Shengen”, e cila përfshin të gjithë anëtarët e BE-së, plus Islandën, Zvicrën, Lihtenshtajnin dhe Norvegjinë.

Kontrollet më të thelluara për dokumentet e udhëtarëve kanë si qëllim “për të parandaluar rrezikun e hyrjes dhe daljes nga territori kombëtar të personave potencialisht të rrezikshëm për rendin dhe sigurinë publike”, duke siguruar mbarëvajtjen e samiteve ndërkombëtare në axhendë. Pezullimi i Traktatit do të çojë një harxhim më të madh kohëpritjeje të udhëtarëve. Për këtë arsye, Autoriteti Kombëtar për Aviacionin Civil ka sugjeruar që të gjithë udhëtarët të shkojnë në aeroport shumë më herët se zakonisht, në mënyrë që të shmangin grumbullimin e tepërt dhe vonesat.

Ministria e Brendëshme e ka rivendosur pezullimin e Shengenit përkohësisht, deri më mesnatën e datës 30 maj. /CityNews-Solli në shqip Xh.Shyti/

 





Lajmet e fundit nga