E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Palaçot mediatike!

11 Maj 2017, 20:11, Aktualitet CNA

Partia Demokratike po zhytet dita-ditës drejt një qorrsokaku pa rrugëdalje. Kjo jo vetëm për faktin se partia e dytë më e madhe në vend ka vendosur të mos marrë pjesë në zgjedhje, por dhe nga çfarë po përfaqësohet kjo forcë politike sot. Partia Demokratike po katandiset si mos më keq, duke përfunduar në duart e ca kllounëve mediatikë të teatrit politik, që dalin dhe e mbrojnë sa për të bërë shfaqje televizive, por që fshihen kur duhen bërë beteja.

Ervin Salianji, sekretari për Aksionin Qytetar në PD, duket të shfaqet shpesh në media, duke zhvilluar ?beteja? në mbrojtje të Partisë Demokratike, si ?lideri? që fshihet nën mëngët e Lulzim Bashës. Por, nga ana tjetër, ?partizani i flaktë? i Bashës kapet ?mat? me ?dashurinë më të madhe? të Edi Ramës. Vetëm një ditë më parë, CityNews iu publikoi një foto ekskluzive, ku Salianji po zhvillonte një bisedë mjaft sekrete me Henri Çilin, mbështetësin e flaktë të kryeministrit, që kur ky i fundit u ul në karrigen kryeministrore.

Por, mbrëmjen e sotme një tjetër figurë e shquar, po aq sa Salianji, del dhe mbron publikisht Partinë Demokratike. Bëhet fjalë për botuesin ?e famshëm?, Fahri Balliu, i cili njëherë e sulmon Bashën dhe herë tjetër shfaqet në ekran duke e mbrojtur. Por, një fakt është i njohur nga të gjithë, se Fahriu është mik i Ilir Metës dhe CityNews ka raportuar disa herë për afrimin e tij me LSI. Përtej kësaj, Fahriu është akuzuar si bashkëpunëtor i Sigurimit të Shtetit.

Ky pra është një turp i madh për Partinë Demokratike sot, ku ka rënë dhe ku varen shpresat e saj për t?u ringritur. Për sa kohë do të përfaqësohet nga këto ?personalitete?, që s?dinë ku kanë kokën, vështirë që PD të strukturohet dhe të marrë formën e një partie për të qeverisur, e aq më tepër të besohet nga qytetarët. Deri sa demokratët do lënë që të luajnë e shesin endrrën e tyre Fahriu, Salianji e ca të tjerë si këto, nuk duket të ketë dritë të bardhë mbi forcën e dytë politike më të madhe në vend, Partinë Demokratike./CityNews