web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/Berisha po zgjidh krizën politike

2 Maj 2017, 16:50, Aktualitet CNA

Krizën politike që ka përfshirë vendin,pas bojkotit të opozitës dhe ultimatumit të saj për të mos hyrë në zgjedhje, duket se po i jep zgjidhje, me ndërhyrjen e tij, ish kyeministri i vendit dhe ish kreu demokrat Sali Berisha.

Në rast se shprehja: “të gjitha rrugët të çojnë në Romë” do të përdorej në kontekstin e situatës politike aktuale, në një analizë të thjeshtë mund të thuhet se të gjitha rrugët të çojnë tek Sali Berisha.

Së pari, sot, Lulzim Basha njoftoi një mbledhje të grupit parlamentar të PD, pas zërave kritikë që iu drejtuan atij për vendimmarrjen e deritanishme dhe përpara mbledhjes së grupit, ai shkon të konsultohet me Sali Berishën.

Së dyti, Bujar Nishani, Presidenti në detyrë, i zgjedhur nga Sali Berisha dhe i njohur si një nga besnikët e tij, sot bëri apel që palët të uleshin në tryezë. Përgjigja e tyre ishte e menjëhershme dhe aprovuese. Ata që kur erdhën ndërkombëtarët rrinin në dhoma të veçanta, me një thirrje të Nishanit, u ulën në tavolinë. Gjithçka mendohet se e ka arritur Sali Berisha, kuptohet pasi ekipet e Bashës dhe Ramës kanë mbyllur një pjesë të madhe të negociatave.

Së treti, grupit parlamentar i PD-së do t?i drejtohet me një video konferencë kreu i PPE, Joseph Daul, i cili pritet të bëjë apel që PD të hyjë në zgjedhje dhe t?i kërkojë Bashës të gjejë rrugën e marrëveshjes me Ramën. Daul njihet si një nga miqtë më të ngushtë të Berishës, që është thirrur disa herë në Tiranë. Marrëdhënia e tyre është shumë e fortë dhe e vjetër.

Së katërti, Lulzim Basha është zgjedhur kryetar nga vetë Berisha dhe fjala e këtij të fundit, askush nuk beson se mund të kundërshtohet nga kreu demokrat.

Këto janë katër fakte apo katër rrugë të sjella si argumente nga ne që, ashtu siç thamë më lartë, kanë një të përbashkët, ai është Sali Berisha, i cili mesa duket është njeriu që po investohet në këto momente për kapërcimin e krizës politike./CityNews





Lajmet e fundit nga