E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

10 historitë befasuese të 1 Prillit/Janë ... të vërteta!

1 Prill 2017, 15:17, Lifestyle CNA

Sot është Dita e Gënjeshtrave dhe njerëzit janë të prirur të mos i besojnë të gjitha lajmet që lexojnë dhe shohin.
Megjithatë, ka disa lajme që duket sikur janë gënjeshtra, por janë të vërteta.
BBC ka mbledhur dhjetë prej tyre.
-Sot është Dita Ndërkombëtare e Luftës me Jastekë. Po, vërtet! Qytete si Hong Kongu, Barcelona, Amsterdami, Çikago, Bangalore dhe Hull marrin pjesë në këtë garë. Rregulli është që të mos e godasësh askënd përveçse me jastëk.
-Ish-aktorja e serialit ?Baywatch?, Pamela Anderson ?dashuron? Julian Assange. Mund të duket si një marrëdhënie e pazakontë, por aktorja thotë se nuk është sekret. Ajo thotë se Assange po përpiqet të çlirojë botën duke e edukuar. ?Është një betejë romantike, e dua për këtë?.
-Të vendosësh tekstet e Shekspirit në muzikë rep i ndihmon nxënësit për të mësuar. Një aplikacion i ndihmon nxënësit në këtë drejtim.
-Vodka shpëton një mace. Veterinerët i dhanë maces Princesha një gllënjkë vodka pasi ajo ishte helmuar nga vaji i frenave. Pas kujdesit 24-orësh dhe trajtimit me vodka, macja ia doli pasi pija alkoolike shërbeu si antidot për helmin.
-Lojtari i kriketit, Gary Ballance nuk do luajë në një ndeshje të kampionatit pasi nuk i dallon ngjyrat. Ndeshja e topit ngjyrë rozë do luhet kundër ekipit Surrey dhe ai nuk do luajë pasi nuk e dallon dot topin nga bari.
-Një adoleshent realizoi një festë lamtumire për këmbën e tij. Thomas Green iu nënshtrua 20 operacioneve pasi këmba e tij kishte një keqformim venash. Tani mjekët ia kanë hequr këmbë. Prindërit organizuan një festë të madhe lamtumire, përfshi këtu një tortë në formë këmbe.
-Një gjyshe 82-vjeçare luan si DJ profesionist në Japoni. Pasi drejtoi një restorant për 50 vite, Sumiko Iwamuro zbuloi talentin e saj gjatë ditëlindjes së djalit. Tani quhet DJ Sumirock dhe luan në një klub në Tokio.
-Kina ndalon mjekrat e gjata. Një fushatë e tillë ka nisur në rajonin perëndimor të Xinjiang. Qeveria e Kinës thotë se kjo është një fushatë kundër ekstremizmit islamik.
-Një grua që hante mish pule dhe patate të skuqura çdo ditë për 24 vite, është kuruar nga fobia e ushqimit. Për këtë është dashur vetëm një orë hipnoterapi.
-Kush kërkon një hotel me pesë yje, në Holandë do përjetojë diçka ndryshe. Aty mund të kaloni natën në një vinç të përshtatur si hotel. Hotel Faralda ofron tre suita, që janë 50 metër mbi tokë- dhe një vaskë të nxehtë në majë të vinçit.