web counter
LEXO PA REKLAMA!

SHKARKO APP

App Store
Google Play

E fundit!

x

Katër akuza ndaj "agjentit" të çimkave/Sa vite burg rrezikon izraeliti

27 Mars 2017, 07:17, Aktualitet CNA

Policia e Tiranës ka ngritur katër akuza ndaj “detektivit” izraelit, Yoram Frig, i cili u ndalua në aeroportin e Rinasit me pajisjen e dyshimtë.

Sektori i Antikrimit Ekonomik ka ngritur ndaj 50-vjeçarit akuzën ?Kontrabandë me mallra të ndaluar?, pasi një objekt i tillë, të paktën deri në sqarimin përfundimtar të funksionit, është i ndaluar të importohet, eksportohet, apo të tranzitohet.

Pajisja u bllokua në Aeroportin e Rinasit, gjatë skanimit të valixheve në dalje, ende nuk është përcaktuar se si ka arritur të futet në territorin e Shqipërisë, pa u vënë re në pikat e kalimit kufitar.

Pas mbajtjes së personit në ambientet e Komisariatit Rinas, në drejtimin e prokurorit, u bë këqyrja e kësaj aparature elektronike dhe pritet aktekspertimi, për të përcaktuar çfarë funksioni kryen.

Pajisja elektronike, e cila bën skanimin dhe gjetjen e përgjuesve të vendosur në një ambient, konsiderohet një mall i ndaluar, sipas legjislacionit shqiptar, të paktën derisa hetimet dhe ekspertiza të përcaktojnë me saktësi funksionin e saj.

Nga verifikimi paraprak që është bërë, sipas hetuesve aparatura nuk ka as programe dhe as mjete për përgjim. Deri në përfundim të hetimeve, ndaj Yoram Frig është ngritur akuza e ?Kontrabandës me mallra të ndaluar?.

Kjo akuzë, e parashikuar nga Neni 171 i Kodit Penal, sanksionon importimin, eksportimin apo tranzitimin e paligjshëm të mallrave të ndaluar që hyjnë e dalin në Republikën e Shqipërisë. Ky veprim, i kryer me çdo mënyrë a mjet qoftë, dënohet me burgim deri në dhjetë vjet./CityNews





22:24 Aktualitet

7 sinjale seksuale

Nëse pretendoni të kaloni në tjetër nivel me dikë, duhet pat...

Lajmet e fundit nga