E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

FAKE NEWS/TOP CHANNEL MASHTRON PER CDU

27 Mars 2017, 18:48, Aktualitet CNA

Televizioni kombëtar Top Channel vijon të keqinformojë qytetarët në lidhje me protestën e opozitës dhe faktorin ndërkombëtar. Një natë më parë, kjo media raportoi se Presidenti i SHBA-ve, Donald Trump, nuk e mbështet këtë protestë. Një lajm ky që ngjalli reagime të shumta dhe të forta në radhët e opozitës, të cilët e kundërshtuan në mënyrë të prerë. Por, pa kaluar akoma 24 orë Top Channel sjell një tjetër lajm të gënjeshtërt, po kundër opozitës. Sipas kësaj medieje, kryedemokrati Lulzim Basha ka marrë më 23 mars një letër nga zëvendëskryetari i grupit të CDU-CSU në Parlamentin gjerman, Franz Josef Jung, duke shtuar se ai është edhe shefi i politikës së jashtme në CDU, si dhe ministër i Mbrojtjes së Gjermanisë.

Top Channel raporton se zëvendëskryetari i grupit parlamentar të Bundestagut është shumë i shqetësuar për bojkotin e opozitës, duke paralajmëruar pasoja të rënda për vendin. Më tej, media shqiptare shton se zyrtari gjerman i ka dhënë ultimatum Bashën t’i japë fund menjëherë bojkotit parlamentar dhe të marrë pjesë në mënyrë active në zbatimin e reformës në drejtësi dhe të regjistrohet në zgjedhje pa vendosur kushte.

Por, në një kërkim të shkurtër dhe të shpejt, CityNews arriti të sigurojë një document, që hedh poshtë gjithë sa u tha më sipër. Ky shkrim i Top Channel rezulton të jetë një mashtrim, pasi zyrtari gjerman i cili pretendohet se i ka dërguar letër ultimative kryedemokratit Lulzim Basha nuk është më në atë detyrë.
Franz Josef Jung nuk e mban më postin e zëvendëskryetarit të CDU-CSU në Parlamentin gjerman, pasi ai ka dhënë dorëheqjen që në vitin 2009. Për më tepër, CityNews iu sjell më poshtë shkrimin e plotë, që vërteton vendimin e zyrtarit gjerman dhe arsyet e largimit të tij nga kjo detyrë./CityNews

http://top-channel.tv/lajme/artikull.php?id=351435#k2

http://www.spiegel.de/international/germany/merkel-cabinet-reshuffle-minister-jung-resigns-amid-afghanistan-airstrike-scandal-a-663820.html