E fundit!

12:09 Aktualitet

Çështja e Zvërnecit/ Rama: Nuk ka projekt të miratuar

Kryeministri Edi Rama ka folur për mediat para samitit BE-...

Nga Kastriot Myftaraj/Ja prova se ka një grup radikal islamik edhe brenda grupimit të tifozëve “Illyrian Elite”

26 Mars 2017, 07:51, Aktualitet CNA

Flakadanët në stadiumin e Palermos gjatë ndeshjes Itali-Shqipëri, erdhën kryesisht nga ajo pjesë e tribunës ku gjendeshin tifozët e grupit ?Plisat? dhe ata e morën përsipër veprimin të parët. Ata janë përgjegjësit kryesorë për atë që ndodhi. Tashmë është bërë e ditur se përveç tyre ka përgjegjësi edhe një grup tifozësh, deri më tani praktikisht i panjohur, i quajtur ?Illyrian Elite?, të cilët gjithashtu hodhën flakadanë. E njëjta gjë që kam thënë dje për ?Plisat? vlen edhe për ta. Madje, pjesëmarrja e ?Illyrian Elite? në aksion, është një provë shtesë se kemi të bëjmë me atentat islamik.

Shikoni se çfarë fotografie është postuar në 24 shtator të vitit të kaluar në faqen zyrtare në Facebook të grupit Illyrian Elite, për të kuptuar se çfarë pikëpamje ka një grup brenda tyre.
Kush shtiret se nuk kupton, është simpatizues i Xhihadistëve.

Në këtë fotografi është stilizuar si mbulesë e fytyrës së femrës muslimane flamuri i zi i dronit të Beogradit, që paraqet hartën me khalifatin islamik të Ballkanit, të paraqitur si harta e Shqipërisë Etnike.

Një nga mënyrat që përdorin organizatat ndërkombëtare terroriste islamike për të manipuluar të rinjtë entuziastë, është që të keqpërdorin shoqatat dhe grupimet e tifozëve.
FSHF sot shpalli dënimin vetëm për grupimin ?Illyrian Elite?. Merret vesh, FSHF nuk donte të zgjeronte problematikën duke u marrë me ?Plisat?. Me këtë nuk dua të them se duhet të dënohen ?Plisat?, por që duhet të diferencohen brenda tyre ata të cilët kanë një agjendë tjetër, nga ajo e tifozit.

Strategjistët e terrorizmit islamik ndërkombëtar, njerëz tejet inteligjentë, po na marrin nën kontroll shoqatat e tifozëve, apo edhe segmente të tyre. Ata përdorin për kamuflim simbolikë kombëtare shqiptare, dhe midis saj infiltrojnë simbolikën e tyre, siç tregon kjo fotografi.

Kemi të bëjmë me një zhvillim tejet alarmues. Nëse gjërat ecin kështu, nuk do të jetë e largët dita kur do të ballafaqohemi me kamikazë prej tyre./CityNews