web counter
LEXO PA REKLAMA!

SHKARKO APP

App Store
Google Play

Pajisja misterioze e izraelitit/Policia jep detaje të reja, ja ç'po ndodh

24 Mars 2017, 20:50, Aktualitet CNA

Detaje të reja janë zbuluar mbi ndalimin e një shtetasi izraelit sot në Rinas, i cili u kap me një pajisje përgjimi në çantë.

Policia ka reaguar mbi ngjarjen, duke sqaruar se ka nisur veprimet verifikuese dhe proceduriale ndaj shtetasit izraelit dhe pajisjes së zbuluar.

?Nisur nga informacione të marra, për hyrjen e shtetasit (të huaj) Izraelit, F.Y, 51 vjeç, në pikën e kalimit kufitar Rinas, me një pajisje elektronike, Sektori për Krimin Ekonomiko-Financiar, në Drejtorinë Vendore të Policisë Tiranë, filloi veprimet verifikuse dhe procedurale në bashkëpunim me Njësinë e Prokurorisë Task-Forcë, pranë Prokurorisë së Rrethit Gjyqësor Tiranë, nën drejtimin e prokurorit të gatshëm.

Ky shtetas është ndaluar nga shërbimet e policisë kufitare Rinas, në momentin që ishte duke dalë nga territori i Shqipërisë dhe u shoqërua në ambientet e Komisariatit të Policisë, Rinas.

Pas mbajtjes së personit në ambientet e Komisariatit Rinas, në drejtimin e Prokurorit, u bë këqyrja e kësaj aparature elektronike dhe pritet akt ekspertimi, për të përcaktuar çfunksion kryen, njëkohësisht iu konstatua edhe një aparat telefonik i markës “IPHONE”.

Këto sende u sekuestruan në cilësinë e provës materiale me urdhër të prokurorit të gatshëm.

Ky shtetas është shoqëruar në ambientet e Drejtorisë Tiranë, ku në prezencën e një përkthyesi ligjor po intervistohet nga prokurori i çështjes?, njofton policia.

Burime zyrtare nga policia saktësojnë se pajisja gjendet në Prokurori./CityNews





Lajmet e fundit nga