web counter
LEXO PA REKLAMA!

SHKARKO APP

App Store
Google Play

E fundit!

x

Kush do ta drejtojë QSUT-në?/Një femër pritet të marrë sërish detyrën

20 Mars 2017, 09:55, Aktualitet CNA

Kryeministri Edi Rama bëri javën e kaluar disa ndryshime në qeveri. Ai liroi nga detyra katër ministra, me pretendimin se do t?i angazhojë në fushatën zgjedhore. Mes ministrave të larguar ishte dhe ai i Shëndetësisë, Ilir Beqaj. Ky i fundit u zëvendësua nga drejtoresha e QSUT-së, Ogerta Manastirliu.

Manastirliu pritet të marrë detyrën e ministres së Shëndetësisë, pas dekretimit nga Presidenti Bujar Nishani, duke lënë prej më se një jave pa udhëheqës QSUT-në. Deri më tani janë përfolur disa emra, që mund të jenë në krye të Qendrës Spitalore Universitare Tiranë. Burime thanë se QSUT mund të drejtohet sërish nga një grua.

Sipas këtyre burimeve, pritet që ajo të jetë ish-drejtoresha e Tatimeve, Briseida Shehaj, e cila është ndër kandidatet kryesore. Kjo e fundit u shkarkua nga detyra në shtator të vitit të kaluar. Ende nuk dihet zyrtarisht, nëse ajo tashmë do kalojë në krye të këtij institucioni të rëndësishëm, pasi përfliten edhe disa emra të tjerë pretendentë. Midis tyre pjesë e stafit mjekësor, si dhe drejtues që kryejnë aktualisht funksione në administratën e QSUT.

Nga ana tjetër, kryeministri mund të befasojë sërish, ashtu siç bëri me emërimin e katër ministrave të rinj, ku solli në Ministri emra që nuk priteshin nga askush./CityNews





Lajmet e fundit nga