E fundit!

14:36 Aktualitet

Rama para samitit BE-Ballkani Perëndimor: Tri gjëra nuk parashikohen, Zoti, seksi dhe BE-ja

Kryeministri Edi Rama ka komentuar procesin e integrimit t...

RILIN'DOSJA E TAHIRI

13 Mars 2017, 12:24, Aktualitet CNA

I dashur shoku Tahir’. Këtë weekend na ra të lexojmë ca fletërrufe drejtuar Ty. Po të ishin fjalë theshethemexhinjsh (portale kazanësh) askush nuk do të ndalej t’i lexonte. Por ishin afishuar në “këndet e emulacionit kanabist” aty ku afishohen thëniet programatike të shefit të moth’. Mu në bashin vendit ku i modhi, bën xhiron mbrëmjesh, me hallet e shqiptarëve mbi supe, duke mejtuar lidhur me punën e kualifikuar që bëjnë “përçuesit” e rafinuar emulacionistë, vijës e udhëzimeve të Tij. Troç Tahir’, tash dhe ne populli i thjeshtë kemi mesuar se kur shkruhet a thuhet gjë mbi ato stenda me emra “trandy” me “news” me “chanel”, “top”, “estabilshment” e me the të thashë, asht’ tu fol vetë shefi i Moth’, ndaj i bëjmë veshët kater. Sa për tekstin, nuk dua të merrem me të, se Ti e pe sesi shefi e recitoi atë “live” para miletit. Mirëpo siç ti e di, kumti thotë pikërisht atë që nuk thotë…, shejtan i moth ai.

Kamarja MARRES (turpit) Që ti biem shkurt “Rilin’dosja” ju beri me teser, ju rriti, ju ngriti, jua mbushi gjoksin me dekorata “hero i punës kanabiste,” pastaj papritur e kujtuar, të beri fletërrufe-në qiell të kthjellët dhe ta kripi… ( e pamundur të mos e dinit se kjo ka qënë grafika e minstrave të përbrendshëm i kanabi-stanit socialist; të kujtohet Koçi-teneçexhiu, Mehmet, Feçori dhe Kadriu, përjashtuar Mozin e nahijes. Ai e ha më vete, si i thonë) Sidoqoftë partia tënde ta kripi. Dhe ta kripi vendçe. Tani rri atje ne majë të hurit “kamares se marres”. E… mos të duket vetja ALI. Ashtu Tepelena pati vetëm një Të paktën bej kujdes, nga goja e çapëlyer e Beqit mbi hurin fqinj. Ajo gojë ka gëlltitur spitalet e krejt Shqiperisë, me gjithë ambulanca katundesh, infermiere doktora, jo kokën tënde që prej këtu duket sa një koqe kullumbrie. Ah dhe një send se desh harruam sa për informacion: 1-Ketu tek populli i përdheshëm dhe tek çadra askush nuk mban zi, po dhe festa nuk ben njeri, përjashtuar ai krahpërveshuri… në kryebashki, …ai i fikut… si i thonë atij! 2-Kripë ka boll kripë importi. Hajt mbeç siç ka thënë i Mothi…!

Nga ZEF ZEFI /CityNews