web counter
LEXO PA REKLAMA!

SHKARKO APP

App Store
Google Play

E fundit!

x

Po transportonte drogën nga Turqia në Shqipëri/ Pranga poseduesit

12 Mars 2017, 18:35, Aktualitet CNA

Një tjetër rast i trafikimit të lëndëve narkotike është identifikuar nga ana e policisë kufitare. Një 41 vjeçar është vënë në pranga, pasi në mjetin e tij ai mbante 2 kg e 248 gr, lëndë e dyshuar narkotike e llojit heroinë.

Në vijim të punës për goditjen e rasteve kundër trafikimit të lëndëve narkotike, Shërbimet e Policisë Kufitare të Kapshticës bënë kapjen dhe arrestimin në flagrancë të shtetasit Olsi Delli, 41 vjeç, banues në Tiranë.

“Më datë 12.03.2017, ky shtetas u paraqit në hyrje të Republikës së Shqipërisë me automjetin tip “Land Rover” ngjyrë gri, me targa AA889PV. Nga shërbimet e Policisë Kufitare, ky mjet u përzgjodh për kontroll më të detajuar në vijën e dytë.

Nga kontrolli i ushtruar, konkretisht në pjesën e shasisë së mjetit, në një vend të modifikuar, u konstatua dhe sekuestrua në cilësinë e provës materiale 2 kg e 248 gr, lëndë e dyshuar narkotike e llojit heroinë. 41 vjeçari po udhëtonte me këtë mjet nga Turqia në drejtim të Shqipërisë”. Veprimet proceduriale të rastit, u kryen nga Specialistët e Seksionit për Narkotikët në Drejtorinë Vendore të Policisë Korçë. Materialet do t’i kalojnë Prokurorisë të Krimeve të Rënda në Tiranë, për hetime të mëtejshme. /CityNews 





Lajmet e fundit nga