web counter
LEXO PA REKLAMA!

SHKARKO APP

App Store
Google Play

E fundit!

x

Thellohet skandali/FBI kërkon llogari nga CIA për rrjedhjen e dokumenteve

10 Mars 2017, 19:31, Aktualitet CNA

Kompanitë e kontraktuara nga CIA tani janë duke i analizuar dosjet e tyre, për të parë se cili punëtor i tyre ka pasur qasje në dokumentet e publikuara nga “WikiLeaks”, trasmeton gazeta Kosova Sot

Hetuesit e FBI-së kërkojnë që ta dinë se për sa kohë CIA ishte e vetëdijshme rreth dështimit të saj të sigurisë, që çoi deri te ‘rrjedhja’ masive e dokumenteve ‘top-secret’ të martën e kaluar. ‘WikiLeaks’ ka publikuar rreth 9,000 faqe të dokumenteve, duke përfshirë edhe pretendimet se spiunët mund të përdorin aparatet TV për t’i spiunuar njerëzit, duke thënë se këto dokumente të publikuara përbëjnë vetëm 1% të dokumenteve sekrete të CIA-s, të cilat ajo i posedon.

Shqetësimi i Komitetit të inteligjencës

Të mërkurën CIA u detyrua që të pranonte se që vitin e kaluar ajo kishte kuptuar se sistemet e saj ishin sulmuar, por tha se nuk e kishte ditur natyrën e saktë të sulmeve. Ky pranim vetëm sa e rriti shqetësimin te Komiteti i inteligjencës i Dhomës së përfaqësuesve, tha një zëdhënës, i cili shtoi: “Nëse është e vërtetë se CIA ishte në dijeni për këtë që nga fundi i vitit të kaluar, atëherë edhe ne do të duhej të ishim informuar”.

Faji i punëtorëve të inteligjencës britanike

Dy zyrtarë të inteligjencës dhe të zbatimit të ligjit deklaruan të mërkurën se kontraktuesit e CIA-s aktualisht konsiderohen si fajtorë të mundshëm për këtë aferë. Kompanitë e kontraktuara nga CIA tani janë duke i analizuar dosjet e tyre, për të parë se cili punëtor i tyre ka pasur qasje ndaj dokumenteve të publikuara nga “WikiLeaks”. Një mundësi tjetër, që përmendet, është që dokumentet të kenë ‘rrjedhur’ për fajin e punëtorëve të inteligjencës britanike. Por, mbetet pyetja se deri në ç’masë CIA ishte e vetëdijshme për këtë problem dhe pse e mbajti të fshehtë atë derisa u publikua nga “WikiLeaks”?/CityNews





Lajmet e fundit nga