web counter
LEXO PA REKLAMA!

SHKARKO APP

App Store
Google Play

Ministri gjerman mesazh të qartë Ramës/Ja ku e keni planin, zbatojeni ose ...!

10 Mars 2017, 11:06, Aktualitet CNA

Kryeministri Edi Rama zhvilloi sot një takim në Berlin me ministrin e Jashtëm të Gjermanisë, Sigmar Gabriel. Ky i fundit i ka dhënë një mesazh të qartë kreut të qeverisë shqiptare, sa i takon rrugës së integrimit të vendit në BE.

?Ne duam ta çojmë përpara përafrimin e Shqipërisë me BE. Plani qëndron në tavolinë tashmë?, është mesazhi që kreu i diplomacisë gjermane i ka përcjellë kryeministrit të Shqipërisë.

Duke vlerësuar reformat e bëra nga vendi ynë, Gabriel u shpreh se Shqipëria ka mundësinë historike që t?i bashkohet BE-së.

?Ju përgëzoj për reformat që jeni duke kryer. Ju përgëzoj për angazhimin personal dhe qëndrimin tuaj në qetësimin e konflikteve në vendet fqinje. Në prag të proceseve zgjedhore, reformat nuk janë të thjeshta. Shumica e shqiptarëve dëshirojnë stabilizimin dhe avancimin e mëtejshëm drejt BE. Shqipëria ka mundësinë e madhe historike që t?i bashkohet BE. Europa ka mundësinë të bashkëpunojë me Shqipërinë dhe fqinjët e saj për paqen e stabilitetin. Për këtë, ju jeni një garant?, tha ministri gjerman.

Nga ana e tij, kryeministri Rama shprehur angazhimin e Qeverisë që ai drejton në zbatimin e reformës në drejtësi.

?Mirënjohje për mbështetjen e pakursyer të Gjermanisë. Mirënjohje për reformën themelore në drejtësi. Falë mbështetjes jemi në një proces shumë të avancuar. Shpresojmë të jemi në lartësinë e sfidës për të filluar zbatimin e reformës me vettingun e gjyqtarëve e prokurorëve. Shqipëria është një partner shumë i angazhuar për këtë marrëdhënie kaq të veçantë të Gjermanisë me rajonin?, tha kryeministri Rama./CityNews





Lajmet e fundit nga