web counter
LEXO PA REKLAMA!

SHKARKO APP

App Store
Google Play

Në çadër kur vjen Luli

5 Mars 2017, 14:48, Aktualitet CNA

Protesta e opozitës përpara kryeministrisë ku është ngritur edhe një çadër, e cila është identifikuar si çadra e lirisë ka hyrë sot në ditën e 16-të.

Çdo ditë,  nga e gjithë Shqipëria janë organizuar degët e Partisë Demokratike, të cilët  vijnë në çadër me nga rreth 50 apo 100 vetë dhe kalojnë natën aty. Nga ana tjetër, degët e Tiranës duket të jenë të padukshëm dhe thjesht fasadë.

Në çadër ndodh një fenomen, pak para se Basha të nisë bashkëbisedimin me të pranishmit,  në çadër shfaqen Enno Bozdo, Fadbar  Kadilli apo eksponentë të tjerë, të cilët ikin sapo ikën Luli.

Gjatë ditës çadra është e varfër, me shumë pak njerëz dhe mbushet plot e përplot vetëm në momentin kur vjen kreu i PD, Lulzim Basha.

Një shfaqe e shëmtuar e disa eksponentëve të PD, të cilët në çadër shfaqen vetëm kur vjen Basha. Akoma më keq po të flasim edhe për degët e PD në kryeqytet. Janë të paktën 11 njësi pa përfshirë Kamzën, Vorën dhe Paskuqanin, që do të thotë se çadra duhet të ishte e ndezur dhe duhet të qëndronin 1000 vete ne çdo çast. Por, ata shfaqen vetëm kur vjen Luli dhe ndoshta kreu i PD mendon se çadra është plot në çdo moment.

Ndonjë degë e PD bën përjashtim, por një fakt është i padiskutueshëm, çadra, në shumicën e kohës është bosh dhe mbushet kur aty shfaqet Basha. Atëherë shfaqen edhe Enno dhe Bardhi apo të tjerë eksponentë që duan të jenë në listat e deputetëve.

Çadra nuk është dështim por aksion. Në rast se atje shkohet për tu bërë deputet apo që të të shohë Luli kur shkon dhe kur ikën, kjo e kthen atë nga çadrën e lirisë në çadrën e intrigave për të rrëmbyer një mandat deputeti./CityNews





Lajmet e fundit nga