E fundit!

22:38 Aktualitet

Protestojnë prej 26 ditësh/ Qytetarët vijojnë marshimin në rrugët e Tiranës

Prej më shumë se 1 ore, protestuesit vijojnë marshimin në ...

Katër fitoret e Lulzim Bashës në katër ditë protestë

21 Shkurt 2017, 14:14, Aktualitet CNA

Partia Demokratike, e udhëhequr nga Lulzim Basha, po zhvillon prej katër ditësh një protestë kundër qeverisë. Protesta synon largimin e kryeministrit Edi Rama, krijimin e qeverisë teknike dhe zhvillimin e zgjedhjeve të lira e të ndershme. Prej 4 ditësh, përfaqësuesit e Partisë Demokratike janë zhvendosur në çadrën para Kryeministrisë, ku mes tyre ndodhen dhe shumë qytetarë. Protesta është kritikuar nga të majtët, nga vetë Edi Rama dhe ?ushtarët? e tij, por në fakt ajo duhet parë si një fitore e kryedemokratit Lulzim Basha. Nuk ishte thjesht një fitore e liderit demokrat, por një fitore e 4-fishtë, pasi në çdo ditë nën çadër i dha Bashës nga një fitore.

Së pari, vlen të theksojmë se kjo protestë unifikoi opozitën dhe nxori në pah rezistencën e fortë qytetare. Protesta konfiguroi deri diku Lulzim Bashën si liderin e opozitës, duke ndaluar dhe bllokuar çarjen brenda strukturave të bazës. Një përplasje e ashpër kishte nisur në shumë degë të Partisë Demokratike me afrimin e datës së zgjedhjeve. Një rrëmujë po krijohej me emrat e kandidatëve për deputetë, ku po dëgjoheshin e përfliteshin emra të ndryshëm, si dhe lëvizje të dyshimta, që mund të çonin deri në një krisje të brendshme të PD dhe humbje të garantuar në zgjedhje. Por, të gjitha këto dyshime e lëvizje morën fund, pasi tashmë vëmendja është larguar totalisht nga kandidatët dhe përplasjet se kush do jetë në listë, duke u përqendruar te protesta.

Së dyti, protesta i shërbeu Lulzim Bashës për të shkundur strukturat e Partisë Demokratike dhe për të zhvilluar një ?ushtrim? me bazën. Me protestën dhe qëndresën e fortë 4-ditore, kryedemokrati shkundi të gjitha strukturat e PD, në çdo qytet e deri në qendër. Strukturat e forcës më të madhe opozitare në vend paraqiten çdo ditë në çadrën e protestuesve, duke bërë kështu që të identifikohen lëvizjet e bazës, sado të dobta ?ushtrimi? po funksionon..

Së treti, Lulzim Basha ia doli të ?pushtojë? të gjitha mediat, qofshin ato nën ccensurë apo pro-qeveritare. Protesta po mban ?mbërthyer? prej plot 4 ditësh mediat, të cilat duket se janë zhvendosur edhe ato nën çadrën e opozitës. Duke nisur nga orët e para të mëngjesit, Basha merr vëmendjen e mediave, teksa mban fjalën e parë nën çadrën e protestuesve. Më pas, janë daljet e njëpasnjëshme të opozitarëve në media, që flasin nga protesta në çdo orë të ditës, deri në mbrëmje ku mediat kanë ndërprerë emisionet, duke futur në lidhje direkte nga protesta me Lulzim Bashën apo eksponentë të tjerë të opozitës.

E fundit, dhe po aq e rëndësishme, është vëmendja e ndërkombëtarëve. Me një protestë paqësore dhe qëndresën e gjatë, Lulzim Basha ia doli të kthejë vëmendjen e ndërkombëtarëve tek opozita. Me këtë, Basha iu tregoi ndërkombëtarëve se PD, dhe ai si kryetar i saj, janë faktorët e stabilitetit në vend dhe çelësi që mbajnë popullin në ?qetësi? përballë qeverisë. Një revoltë paqësore që mund të ishte edhe një protestë destabilizuese për vendin.

Këto janë të paktën katër fitoret reale të Lulzim Bashës në katër ditët e para të protestës. Fitore që vijnë nga rruga e nisur e cila duket të jetë pa kthim pas. Gjithccka tjetër, picat, tallavaja apo pakënaqësitë për protestën janë periferike në krahasim me përfitimet e vërteta politike të Bashës nga kjo qëndresë./Elvi Fundo (Shkruar për CityNews.al)