web counter
LEXO PA REKLAMA!

SHKARKO APP

Prangoset gjithë familja shqiptare/ Bënë prostitutë të fejuarën e djalit

17 Shkurt 2017, 09:57, Aktualitet CNA

Policia italiane ka vënë në pranga pesë shqiptarë, pasi akuzohen për shfrytëizm prostitucioni. Ngjarja ka ndodhur në provincën e Caserta-s, ku të arrestuarit janë pjesë e një familjeje dhe shfrytëzonin lidhjet e njërit prej të rinjve për të gjetur vajza, që i detyronin më pas të prostituonin.

Në pranga kanë përfunduar shqiptarët: Osman Hasko, 27 vjeç; Shkumbin Muça, 24-vjeç; Aqif Hasko, 54-vjeç; Fation Dedja, 37-vjeç dhe Artan Zeqja, 35-vjeç. Mediat italiane bëjnë me dije se minorenia shqiptare ishte e fejuar e shtetasit Osman Hasko, i biri i Aqif Hasko, i cili i kishte thënë vajzës se do të martoheshin pasi të fitonin para nga prostitucioni. Nga përgjimet ambientale është zbuluar se 27 vjeçari Osman Hasko i gjente klientë të fejuarës së tij.

Hetimet ndaj tyre nisën pas ankesës së nënës së një prej vajzave më 13 shkurt të vitit 2014, e cila shkoi në polici për të denoncuar zhdukjen e saj./CityNews





Lajmet e fundit nga