web counter
LEXO PA REKLAMA!

SHKARKO APP

App Store
Google Play

E fundit!

x

FOTOT- Peshkonin në ujërat tona/ Ndalohen dy shtetas grekë

17 Shkurt 2017, 18:55, Aktualitet CNA

Policia kufitare ka bllokuar dhe sekuestruar dy mjete lundruese. Burime nga policia theksojnë se janë proceduar dy shtetas grekë, babë e birë, përkatësisht 41 dhe 13 vjeç, pasi u kapën duke peshkuar në ujërat tona. Dy gomonet u kapën tek “Ishulli i Francezit”, rreth 0.8 milje larg ujërave tona. Tashmë babë e bir akuzohen për kalim të paligjshëm të kufirit.

“Pas informacioneve të marra në rrugë operative, se në drejtim të Ftelesë ka hyrë një mjet lundrues grek dhe po peshkon në ujërat tona, menjëherë pas marrjes së këtij informacioni, filluan kërkimet dhe u konstatua se tek vendi i quajtur “Ishulli i Francezit”, rreth 0.8 milje në ujërat tona, u konstatua një mjet lundrues tip gomone, me gjatësi rreth 5 m, me mbishkrimin “ORIZON”, me dy shtetas grekë në bord, A.F., 41 vjeç dhe S.F., 13 vjeç (babë e bir).

Drejtoria Vendore e Policisë Kufitare dhe Migracionit Vlorë, bëri të mundur kapjen në flagrancë të këtyre dy shtetasve grekë, si dhe bllokimin/sekuestrimin e mjetit lundrues, me dy motora të markës “Mariner” 40 HP dhe “Suzuki” 25 HP”.

Ndaj këtyre shtetasve ka filluar procedimi penal për veprat penale “Kalimi i paligjshëm i kufirit shtetëror” dhe “Peshkimi i ndaluar”.

Gjithashtu, në Gjirin e Portonovës, pranë një terreni shkëmbor u gjet në buzë të detit i braktisur një mjet tjetër lundrues tip gomone, me gjatësi 4.8 metra, pa mbishkrim dhe me një motor të markës “Yamaha” 50 HP. Nga kontrolli i ushtruar në këtë mjet, nuk u konstatua ndonjë material apo send i kundraligjshëm. Policia ka bërë sekuestrimin e këtij mjeti. Vazhdojnë hetimet për identifikimin dhe kapjen e poseduesit të këtij mjeti lundrues. /CityNews 





Lajmet e fundit nga