E fundit!

21:41 Aktualitet

VIDEO-Me flamuj kuqezi/ Protestuesit marshojnë në rrugët e Tiranës

Edhe në ditën e 27-të të protestës kundër qeverisë, qyteta...

Kush ka frikë nga protesta?

17 Shkurt 2017, 15:58, Aktualitet CNA

Partia Demokratike dhe aleatët e saj kanë njoftuar nesër një protestë. Protestë e cila dihet se kur fillon por askush nuk ka njoftuar fundin, diçka që flet për një skenar të Lulzim Bashës. Skenar që mund të jetë një lajm për mediat ndërkombëtare dhe kancelaritë europiane.

Basha pritet që së bashku me deputetët dhe shumë qytetarë të ngujohen përpara kryeministrisë. Një tentativë për një skenar të përafërt me atë të Rumanisë.

Protestë e vonuar, por e vlefshme. Më mirë vonë se kurrë. PD del në shesh kur duket se qeveria jo vetëm e ka mbushur, por e ka derdhur kupën. Basha kërkon që të krijojë një frymë pro PD, por edhe ti bashkojë njerëzit rreth tij. Një lëvizje që vjen në një moment delikat përpara zgjedhjeve ku opozita duket e dobët dhe tashmë kërkon të tregojë ?muskujt?.

Në çdo kohë protesta vlen edhe kur është e vonuar. Me apo pa kauz, me apo pa cadra, me apo pa ngujim përpara kryeministrisë, kjo protestë vlen shumë. Vlen për t?ju treguar se në Shqipëri ka opozitë, edhe pse e dobët ajo ekziston, i pëlqen apo jo Ramës opozitën ai nuk e zgjedh dot. Nesër PD do tentojë të ribashkojë faktorët dhe qytetarët në prag të fushatës. Ti çojë më pranë vetes dhe kjo e ka trembur jo pak pushtetin.

Ka një frikë që duket hapur. Policia flet për leje të kufizuar, nga ana tjetër mediat e ?kazanit? të qeverisë japin lajme se nesër mund të ketë dhunë ose incidente. Gjithçka me një strategji të përgatitur për të trembur dhe frikësuar njerëzit. Mesa duket protesta do jetë e madhe dhe kjo i ka futur frikën qeverisë dhe mazhorancës. Frikë që vjen jo vetëm nga pjemarrja, por është frikë që vjen nga ekzistenca e një opozite të vërtetë dhe të fortë. Frikë nga ringritja e PD, që mund të fillojë nga kjo protestë në rast se Basha do e përdorë ashtu siç duhet politikisht, në të kundërt keqpërdorimi i opozitës si këto 4 vite do i sillte jo pak pasoja PD dhe atij në politikë. Protesta e nesërme pa u zhvilluar e ka arritur qëllimin mazhoranca është e frikësuar dhe ky është një fakt. Hapat dhe aksioni i Bashës janë lajmi më i pritshëm. Një betejë që nuk duhet ta ndalë./Citynews