E fundit!

22:03 Aktualitet

“O milet, Rama ka siklet!”/ Vijojnë thirrjet e protestuesve

Vijojnë thirrjet e protestuesve që marshojnë sonte në rrug...

Doli nga burgu me leje dhe nuk u kthye më/ Mali i Zi ekstradon shqiptarin

17 Shkurt 2017, 11:22, Aktualitet CNA

Shqiptari i burgosur është ekstraduar sot nga Mali i Zi drejt vendit tonë. Ai u arratis nga vendi në vitin 2014.

Bëhet fjalë për shtetasin Kristjan Lumaj, 27 vjeç, banues në Ivanaj të Malësisë së Madhe. I riu kishte dalë me 5 ditë leje nga burgu i Fushë Krujës dhe nuk ishte kthyer më.

Ai është dënuar nga Gjykata e Krujës me 4 vjet burg për veprën penale ?Largimi i të burgosurit nga vendi i qëndrimit?.

Lumaj ishte i dënuar më parë me 8 vjet burg nga Gjykata e Apelit Shkodër për veprën penale ?Vjedhje me dhunë në bashkëpunim? në vitin 2012, dënim që e vuante në burgun e Fushë-Krujës.

Më datë 21 maj 2014 ai kishte përfituar 5 fitë leje shpërblyese, por nuk ishte kthyer më në burg.

Njoftimi i policisë:

Specialistët për Krimet në Komisariatin e Policisë Krujë, në ambientet e I.E.V.P Tiranë, bënë të mundur ekzekutimin e Urdhërit të Prokurorit të Gjykatës së Shkallës së Parë Krujë, në ngarkim të shtetasit Kristjan Lumaj 27 vjeç, banues në Ivanaj, Malësi e Madhe. Gjykata e Shkallës së Parë Krujë e ka dënuar me 4 vjet burg, për veprën penale ?Largimi i të burgosurit nga vendi i qëndrimit?, parashikuar në nenin 323 të Kodit Penal. Lumaj ishte dënuar me 8 vjet burgim nga Gykata e Apelit Shkodër, për veprën penale?Vjedhja me dhunë në bashkëpunim?, Vendim Nr.351, datë 04.07.2012, dënim të cilin e vuante në I.E.V.P. Fushë-Krujë. Më datë 21.05.2014-26.05.2014 kishte përfituar leje shpërblyese nga I.E.V.P. Fushë-Krujë, por nuk është rikthyer në Institucionin e vuajtjes së dënimit.Në vijim u shpall në kërkim dhe u bë e mundur kapja e tij, në Mal të Zi. Më datë 10.02.2017 është ekstraduar nga Mali i Zi në I.E.V.P. Tiranë. Me Vendimin Nr. 60, datë 24.03.2015, Gjykata e Shkallës së Parë Krujë e ka dënuar me 4 vjet burgim, për veprën penale?Largimi i të burgosurit nga vendi i qëndrimit?. Materialet I kaluan Prokurorisë së Rrethit Gjyqësor Krujë për veprime të mëtejshme./CityNews