web counter
LEXO PA REKLAMA!

SHKARKO APP

App Store
Google Play

Basha thirrje qytetarëve: Mos besoni tamtamet e qeverisë, nesër të gjithë në shesh

17 Shkurt 2017, 11:11, Aktualitet CNA

Kreu i Partisë Demokratike, Lulzim Basha, ka reaguar në rrjetet sociale për protestën e nesërme të opozitës. Basha shprehet se protesta e nesërme është bashkimi më i madh i qytetarëve kundër padrejtësisë, kundër keqqeverisjes, kundër varfërisë.

Sipas tij, nesër do dalin në shesh gjithë qytetarët, gra, burra, të reja, të rinj, pensionistë, familjarë, studentë, gjimnazistë, intelektualë, njerëz të artit, kulturës e sportit, të papunë e sipërmarrës, fermerë e punëtorë.

Ja reagimi i plotë i Bashës:
Protesta e nesërme është bashkimi me i madh i qytetarëve kundër padrejtësisë, kundër keqqeverisjes, kundër varfërisë. Nesër do të marrin pjesë të gjithë qytetarët, gra, burra, të reja, të rinj, pensionistë, familjarë, studente, gjimnaziste dhe intelektuale, njerez te artit, kultures e sportit, te papune e sipermarres, fermere dhe punetore. Nga ky bashkim i madh kane frike vetem ata qe duan ti mbajne shqiptaret te nenshtruar. Ndaj kane filluar te shpifin e të gënjejne për protestën.
Mos i besoni tamtamet e qeverisë, mos i besoni ata që kanë katër vjet që ju gënjejnë për punësimin, për shëndetësinë falas, për mirëqenien tuaj.
Ejani në protestë bashkë me familjarët tuaj, siç do bëjmë të gjithë. Forca jonë nuk është dhuna, por bashkimi, kurajo dhe ëndrrat që kemi për të ardhmen.
#NgrihemiBashkë nesër më #18Shkurt./CityNews





Lajmet e fundit nga