web counter
LEXO PA REKLAMA!

SHKARKO APP

App Store
Google Play

E fundit!

x

Basha në mbrojtje të Blushit/ Edi Rama, rreziku më i madh i zgjedhjeve

16 Shkurt 2017, 11:25, Aktualitet CNA

Kreu i Partisë Demokratike, Lulzim Basha, ka dalë në mbrojtje të kreut të LIBRA, Ben Blushit, pas udhëzimit të KQZ për të penguar partinë e tij të mos marrë pjesë në zgjedhje.

Në rrjetet sociale, Basha shprehet se ky është akti i fundit i Edi Ramës kundër zgjedheve të lira. Sipas tij, kryeministri ka futur në punë çdo mjet e levë që ka në dorë për të vjedhur zgjedhjet.

Ja reagimi i plotë i Bashës:

Përpjekja për të penguar pjesëmarrjen e disa subjekteve politike në zgjedhje duke përfshirë partinë e Blushit është akti i fundit i Ramës kundër zgjedhjeve të lira.

Ai ka futur në punë cdo mjet e levë që ka në dorë për të vjedhur zgjedhjet. Liron një bandë, shpik diagnozë për të nxjerrë një kriminel nga burgu, numëron tonelatat e drogës dhe lekët e pista me të cilat do të blejë zgjedhjet. Të gjithë këto për të ndalur vullnetin e lirë të njerëzve. Prandaj ka 1 vit që kundërshton votimin dhe numërimin elektronik.

Kjo e fundit është një provë më shumë se Edi Rama është rreziku më i madh për votën dhe demokracinë në Shqipëri. Ky është një moment kritik për vendin.
Me #18Shkurt #NgrihemiBashkë me cdo shqiptar që beson tek demokracia dhe zgjedhjet e lira, për fatin e vendit, për fatin e fëmijëve tanë./CityNews





08:28 Aktualitet

Kosova në mjegull!

Pritjet po përmbysen, sundimtarët po forcohen, populli po va...

Lajmet e fundit nga