E fundit!

11:22 Politikë

"Nuk ka ende një produkt"/ PD kërkon shtyrjen e afatit të "Territoriales", PS e kundërshton

Bashkëkryetari i Komisionit të Posaçëm për Reformën Admini...

BANDA, banditët dhe kryebanditi...

16 Shkurt 2017, 08:46, Aktualitet CNA

“…Partia Socialiste, nuk është më një parti politike moderne, ajo funksionon si BANDË ose BASHKËSI BANDASH…,? ka deklaruar Koço Kokëdhima.

Koço është njëri nga ish drejtuesit e rëndësishëm të PS, tani i ç’banditizuar.
Padyshim Koço duhet të jetë akoma anëtar i PS, perderisa brenda kësaj partie ka krijuar dhe kryeson lëvizjen për “ç’banditizim.”
Ish eksponenti, i bën me dije publikut shqiptar se në PS, nuk respektohen forumet, statuti dhe programi që rregullon funksionimin e partisë.

Fjala bandë, bandit e bashkësi bandash ne kuptimin fillestar shënon:
(Grupe të organizuara të malavitës, vrasësish, grabitësish, hajdutësh, të armatosur ose jo, me orjentim kundër pasurisë dhe rregullave të bashkëjetesës së një shoqërie, që nëkupton shtetin.)

Sigurisht nuk besoj t’i interesojë askujt sfera emocionale e deklaruesit, nëse e ka gjetur fjalën e duhur apo jo, kur bëhet fjalë për një grupim politik, sado i vogël apo i konsiderueshëm të jetë, mbetet parti-parte, njësi parciale e politikës së vendit. Kjo me levizjen e Kocos apo lëvizje të tjera brenda partisë, gjerat ose vihen në vijë, reformohen, ose partia shpërndahet për ti nxjerre banditet cullak pa koperturë politike.

Ajo që duhet të trondisë opinionin politik, mediatik, intelektual, akademik e atë nderkombëtar, është se banda, banditizmi, bashkësia e bandave, banditët dhe kryebanditi, nuk kanë kollofitur vetëm Partinë socialiste bashkë me “senatorët” e përgjumur në delir, por janë në qeverisjen e vendit, pra kanë koperturë jo vetëm politike, por dhe legale e konstitucionale.

Por banditët harrojnë se vertet kanë njëmilion votëshin, po njëmilion votëshi, nuk i ka ezauruar të gjitha mjetet e veta demokratike.
Njëmilion votëshi do të dalë në shesh dhe do tu bëjë me dije banditëve dhe mediave të tyre, mbarë popullit dhe opinionit ndërkombëtar, se nuk i mbështet më banditët, bashkësinë e banditëve dhe as “kapon” e tyre./ZEF ZEFI