web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet pr.ligji për fshirjen e detyrimeve doganore/ Ja kush përfiton

15 Shkurt 2017, 16:16, Aktualitet CNA

Ministria e Financave ka hartuar projektligjin për pagesën dhe fshirjen e pjesshme të detyrimeve tatimore dhe detyrimeve të pagueshme në doganë.

Sipas këtij projektligji të siguruar nga CityNews, i cili pritet të dërgohet në parlament për miratim, parashikohet pagesa dhe fshirja e detyrimeve tatimore të papaguara dhe detyrimeve të pagueshme në doganë.

 Subjektet që përfitojnë

-Subjektet e regjistruar në regjistrin aktiv, pasiv ose të çregjistruar, për detyrime tatimore ndaj administratës tatimore qendrore dhe vendore, sipas nenit 5, 6, 7 dhe 11 të këtij ligji.

-Subjektet debitorë ndaj administratës doganore për detyrime sipas neneve 9, 10 dhe 11  të këtij ligji.

Subjektet që nuk përfitojnë

Nga fshirja e detyrimeve e parashikuar sipas këtij ligji, nuk përfitojnë subjektet që kanë detyrime tatimore/doganore, të cilët janë dënuar me vendim gjyqësor të formës së prerë për vepra penale në fushën tatimore dhe/ose doganore, në kuptim të legjislacionit të fushës.

Mësohet se nga ky projektligj do të fshihen gjobat dhe kamatëvonesat që rezultojnë të papaguara në datën e hyrjes në fuqi të këtij ligji, të regjistruara në llogarinë e subjektit, me kushtin që brenda 6 muajve nga hyrja në fuqi e këtij ligji, të paguhet i plotë tatimi/taksa/tarifa/kontributi, për:

-detyrimet tatimore, që i përkasin periudhave tatimore Janar 2011 deri Dhjetor 2014, duke u aplikuar sipas llojit të tatimit;

-kontributet e sigurimeve shoqërore dhe shëndetsore që i përkasin periudhave tatimore  Janar 2011  deri Dhjetor  2014.

-taksat/tarifat vendore të papaguara, që u përkasin periudhave tatimore Janar 2011 deri  Dhjetor  2014./CityNews





Lajmet e fundit nga