E fundit!

15:50 Kronika

Tentoi të godasë me thikë efektivin e Rrugores dhe t'i marrë armën/ Vihet në pranga 38-vjeçari në Tiranë

Një 38-vjeçar është arrestuar ditën e sotme afër kthesës s...

Plani i fshehtë i Ilir Metës/ Si dhe kur do largohet nga koalicioni

15 Shkurt 2017, 12:52, Aktualitet CNA

Koalicioni qeverisës PS-LSI po kalon një periudhë tranzicioni, i cili pritet të përfundojë dhe me ndarjen e tyre. Kreu i LSI, Ilir Meta, ka nisur lëvizjet për largimin nga koalicioni. Ai ka hedhur spiranca të tilla prej ditësh, kur doli dhe sfidoi partitë politike me numrin 71. Pas kësaj, CityNews mëson se Ilir Meta do të marrë një vendim përfundimtar pas zgjedhjes së Presidentit të Republikës. Ky i fundit, sipas ekspertëve, pritet të zgjidhet një muaj para zgjedhjeve parlamentare, që do mbahen më 18 qershor 2017.

Kështu, duket se kreu i LSI do vijojë të mbajë në ankth socialistët me në krye kryeministrin Edi Rama deri nga mesi i muajit maj, për t?i dhënë përgjigjen përfundimtare për fatin e koalicionit.

Pra, këtë radhë nuk do të kemi më marrëveshje apo vendime të 1 prillit për vijimin e ?martesës? apo ?divorcit? PS-LSI. Kjo për interesat e Ilir Metës, i cili po mendon të ?vjedhë? edhe Presidentin dhe pastaj të largohet nga Rama. Ai po tenton të mbajë postin e Presidentit në radhët e LSI, ndonëse një gjë e tillë mund të ketë kosto të lartë për të.

Një pjesë e socialistëve kanë kërkuar që ai të largohet nga koalicioni, pasi mund ta marrin sërish pushtetin edhe pa të, përfshirë këtu edhe vetë kryeministrin Edi Rama, i cili nga ana e tij, e sfidoi Metën me Idrizin dhe Topin. Por, ka dhe një pjesë që i tremben një largimi të mundshëm të Ilir Metës. Megjithatë, diçka është e sigurt, që largimi nga PS nuk i jep asnjë fitore Ilir Metës, përveçse të humbasë disa deputetë. Duke e ditur këtë, Meta po përpiqet me çdo kusht të çojë në Presidencë ndonjë nga njerëzit e tij të afërt, për të pasur kështu nën kontroll postin më të lartë në vend, atë të Kreut të Shtetit.

Kjo strategji e kreut të LSI bën që ?duart e pista? të vijojnë të kenë ndikim të madh në vend, të kontrollojnë piramidën politike nga institucioni i Presidencës.

Por, sa do realizohet ky plan i Ilir Metës mbetet për t?u parë. Nuk dihet nëse krerët e dy forcave më të mëdha të koalicioni qeverisës do gjejnë sërish gjuhën e përbashkët, apo nëse Rama do ?mbyllë? vesh e sy, duke i lënë ?rivalit? me të cilin bashkëqeveris Presidencën./CityNews