web counter
LEXO PA REKLAMA!

SHKARKO APP

App Store
Google Play

E fundit!

x

Durrsakë e shqiptarë sehirxhinj/ Si e fyen intelektualin Dako e Kumbaro

15 Shkurt 2017, 13:27, Aktualitet CNA

Shkrimtarja Flutura Açka, e njohur për kritikat e saj të ashpra ndaj qeverisë në pushtet, nuk ka kursyer fjalët dhe për kryebashkiakun e Durrësit, Vangjush Dakon.

Në rrjetet sociale, Açka shkruan se Shqipëria po drejtohet nga njerëz të bërë def nga padija dhe banditë.

Ajo del në mbrojtje të historianit Moikom Zeqo, që sipas saj, u fye rëndë nga Dako, në prani të ministres së Kulturës.

Açka shkon edhe më tej, ku thekson se intelektuali u fye nga një gojë që mbase sapo ishte ngritur nga pilafi dhe qoftet.

Ja reagimi i plotë:

Durrsakë, e shqiptarë sehirxhinj:
Në një vend fare fare normal, kur një intelektual kalibri si Moikom Zeqo bën thirrje dëshpëruese për mbrojtjen e historisë, qytetarë shkojnë dhe i shkulin këto rrethime dhe i çmontojnë eskavatorët;
në një vend me njerëz të bërë def nga padija dhe banditët që i drejtojnë, do ta kishin marrë zvarrë njeriun që po e bën këtë katastrofë historike;
në një vend të pashpresë siç po katandiset Shqipëria jonë, do të ishin zgjuar avni-rustemë, që të kishin minimumin e kurajës t’i bojkotonin me gjithsej këta tradhtarë me pushtet në Shqipëri.
A jemi ne një vend normal?
Do të kishte mjaftuar për këto fyerja ndaj Moikom Zeqos nga kryetari Specialist i Bashkisë së Durrësit, në prani të Ministres së Kulturës (!!!!), e cila besoj ndihet (si të gjithë ministrat kulturorë në botë) shumë modeste përpara intelektualit që fyhej nga një gojë që mbase sapo ishte ngritur nga pilafi dhe qoftet…
Po të ringrihet mbi themelet e vjetra Konaku i Princ Vidit, ose t’i ruajmë së paku ato që kemi, kemi të drejtën të themi: këtu nisi dikur Europa shqiptare!/CityNews





Lajmet e fundit nga