web counter
LEXO PA REKLAMA!

SHKARKO APP

App Store
Google Play

E fundit!

x

Betonizimi i historisë/ Çfarë bënë deputetët rilindas dje në komision

14 Shkurt 2017, 14:10, Aktualitet CNA

Deputetja Mimoza Hafizi ka sulmuar qeverinë Rama, që sipas saj, po betonizon vendin.

Në rrjetet sociale, Hafizi shkruan se Rilindja është mbledhur si trup i vetëm për të mbrojtur projektin Veliera të Bashkisë Durrës.

sipas deputetes së LIBRA, Veliera është një strehë gjigante betoni, q ëi merr fondeve tona publike rreth 6 milionë euro.

Ja çfarë shkruan Hafizi:

BETONIZIMI I HISTORISE NGA RILINDJA
Rilindja është mbledhur si trup i vetëm për të mbrojtur projektin Veliera të bashkisë Durrës. Dje në komisionin parlamentar, krah Vangjush Dakos dhe ministres së kulturës, mësynë deputetët rilindas, me lidhje e pa lidhje me komisionin, për ta mbështetur këtë vepër të pakuptimtë.
Veliera është një strehë gjigande betoni, që i merr fondeve tona publike rreth 6 milionë euro.
Qytetarët e Durrësit dhe shoqëria civile denoncojnë se këmbët e Velierës i hyjnë deri thellë trashëgimisë sonë arkeologjike, duke rrezikuar dhe dëmtuar objekte dëshmitare të historisë sonë si komb i vjetër i Ballkanit. Instituteve shkencore dhe arkeologëve i është mbyllur goja!
A do ta mposhtë historinë ky agresion i biznesit të betonit? I cili ka shtysën dhe bekimin e shtetit./CityNews





Lajmet e fundit nga