web counter
LEXO PA REKLAMA!

SHKARKO APP

E fundit!

x

Komentuesit “kryqëzojnë” ish-zv/ministrin e Berishës/ Gabim i pafalshëm!

14 Shkurt 2017, 12:43, Aktualitet CNA

Kryetari i Departamentit të Politikës së Jashtme në Partinë Demokratike, Kreshnik Çollaku, ka ironizuar qytetarët për festën e të dashuruarve ?Shën Valentin?. Në rrjetet sociale, ish-zv/ministri i Jashtëm në kohën e Berishës, Çollaku, shkruan se sot të gjithë dalin nga liqeni, duke marrë me vete byrek, batanije, mimoza të shqyera nga pemët dhe jetë nate.

?E keni merak vete sot..o burra te gjithe nga liqeni, byrek batanije, mimoza te shqyera nga pemet dhe jete nate !!!?, shkruan Çollaku.

Por, komenti i tij nuk është pritur aspak mirë nga qytetarët në rrjetet sociale, të cilët e kanë ?kryqëzuar? Çollakun, se po bën diferencime e paragjykime. Një reagim i ashpër vjen nga ish-Sekretari për Arsimin tek Aleanca KuqeZi, Alban Daci. Ky i fundit e cilëson një gabim të pafalshëm reagimin e Çollakut për festën e ?Shën Valentinit?. Sipas tij, PD nuk ka qenë ndonjëherë parti e oborrit apo aristokracisë.

?I nderuar Kreshnik, ju jeni politikane dhe jeni perfaqesues i nje force politike qe ka nevoje edhe per voten e atyre qe s’kane para, por marrin byrek ne dore e dalin nga liqeni. PD nuk ka qene ndonjehere partie e oborrit apo aristokracise. Te pakten nga historia kete duhet te besojme. Nuk eshte mire nje person si ju i angazhuar ne politike ben diferencime e paragjykime per qytetaret e tij. Ky eshte nje gabim i pafalshem, meqe me date 18 kerkoni protestues per te protesuar kunder atyre qe kane bere miliona euro?, është komenti i Alban Dacit./CityNews





Lajmet e fundit nga