web counter
LEXO PA REKLAMA!

SHKARKO APP

App Store
Google Play

Incident në takimin e Bashës/ Grida Duma dëbon të rinjtë

12 Shkurt 2017, 13:59, Aktualitet CNA

Kryetari i Partisë Demokratike Lulzim Basha, zhvilloi sot një takim me të rinj profesionistë në selinë blu.

Pasi u mashtrua nga sekretari për aksionin qytetar (lexo lajmin më poshtë)  dhe u braktis nga dhjetra të pranishëm, Basha është përballur edhe me një incident të shkaktuar nga Sekretarja për Marrëdhëniet për Publikun, Grida Duma.

Citynews ka mësuar se në takimin e sotëm me të rinjtë e pretenduar profesionistë, Grida Duma ka dëbuar disa prej tyre.

Burimet i thanë CityNews se Grida Duma u ka kërkuar të rinjve që njihen si njerëz të UET dhe mbështetës të Ervin Salianjit, të mos shfaqen në kamera.

Të njëjtat burime theksuan se pas debateve mes Dumës dhe të rinjve, këta të fundit janë larguar nga takimi.

Mësohet se Duma nuk ka dashur që mashtrimi i Salianjit të kuptohet dhe ka kërkuar që të mos shfaqen në ekrane ato figura që njihen nga publiku si militantë dhe përkrahës të sekretarit për aksionin qytetar.

Kështu, kamerat nuk do mundeshin të tregonin të vërtetën e takimit të sotëm, ku gati 90% e të rinjve nuk kishte asnjë lidhje me profesionet, por ishin mbështetës të Salianjit nga UET.

Grida Duma ka lënë jashtë kamerave disa prej militantëve dhe mbështetësve të Salianjit për të mos krijuar debate dhe dyshime për një takim të shtirur me profesionistët e rinj./CityNews

 

Salianji mashtron Bashën për të rinjtë profesionistë





Lajmet e fundit nga