Pse kreu i LSI nuk do të jetë zgjatim/Ilir Meta numri 71

1 Shkurt 2017, 10:18, Aktualitet CNA

Kryetari i LSI, Ilir Meta, në një dalje të tij publike dje reagoi në lidhje me koalicionin e ardhshëm të kësaj force politike dhe qëndrimin ose jo të saj me socialistët.

Ilir Meta tha se LSI nuk është shtojcë e askujt, as ka qenë, as ka për t?u bërë. Meta tha se nëse më 19 qershor Edi Rama dhe Lulzim Basha konfirmojnë koalicionet e tyre me 71 mandate, LSI do të jetë në opozitë, sepse vendi nuk ka nevojë për një LSI shtojcë të asnjë lloj mazhorance. Në qoftë se dikush tjetër merr përsipër vazhdimin e qeverisë pa LSI, ne jemi të hapur për të bërë rolin tonë më të mirë në opozitë, tha ai.

Qëndrimet e Ilir Metës tregojnë mjaft qartë vizionin dhe qëllimet e tij për zgjedhjet e ardhshme parlamentare. Diku i ?trembur? nga futja e PDIU në koalicion me socialistët, duke deklaruar se çamët ishin në koalicion me Berishën në zgjedhjet e 2013, Ilir Meta gjithmonë është përpjekur dhe ka treguar se është ai faktori i fitores së zgjedhjeve të shkuara parlamentare. Të njëjtën peshë kreu i LSI kërkon ta mbajë dhe në këto zgjedhje, duke parë afrimin e Ramës me PDIU dhe një mundësi që socialistët dhe çamët sipas statistikave zgjedhore mund të sigurojnë mbi 71 mandate, Meta kërkon të ?kërcënojë? në një dalje të tij në opozitë, nëse Rama ka 71 mandate. Sipas të dhënave zyrtare, socialistët në vitin 2013 kanë rreth 710 mijë vota, PDIU rreth 45 mijë, Fryma e Re Demokratike e Bamir Topit rreth 30 mijë vota dhe rreth 10 mijë të tjera janë dy kandidatët e pavarur të majtë, Arben Malaj dhe Dritan Prifti.
Këto janë në total rreth 85 mijë vota që krijojnë një deviacion prej gati 170 mijë votash në rast se do t?i konsiderojmë si votat e opozitës, numra të cilat zëvendësojnë në çdo rast largimin e mundshëm të LSI nga koalicioni. Por ky largim mund t?i sillte mazhorancës socialiste një koalicion të ri ndoshta fitues, por të brishtë.

Ilir Meta duke njohur situatën elektorale kërkon që me çdo kusht koalicioni me socialistët, të mos kushtëzohet nga parti të tjera të vogla, të cilat mund të ulin peshën e LSI, por do jenë dhe problematike për qeverisjen. Kreu i LSI ?kërcënon? se duhet që ai dhe partia tjetër në koalicion së bashku të bëjnë mbi 71 mandate, pra të jenë socialistët dhe LSI forcat kryesore të qeverisjes, të tjerët të jenë shtojca. Numri 71 për Metën duket të jetë një numër fati, që i vjen nga formula zgjedhore. Në rast se Rama siguron në koalicionin e tij 71 mandate dhe Meta është pjesë e këtij koalicioni, kreu i LSI do kërkojë pjesën qëndore në qeveri, duke e ditur mjaft mirë se Rama me 71 mandatet së bashku me aleatët janë një problem i madh për të pasur një qeverisje të qetë dhe të sigurt.
Kreu i LSI, në rast se do të jetë në koalicion me socialistët, nuk ka për ta braktisur, në rast se Rama siguron 71 mandate, ai do kërkojë pjesën e tij, do qëndrojë në koalicion, por thjesht dhe vetëm do të ketë më pak mundësi të ushtrojë presion apo të ketë një ritëm të pandalshëm intrigash brenda qeverisë./CityNews