E fundit!

10:51 Aktualitet

Helmimi i kursantëve te Akademia e Sigurisë/ Reagon policia

Në orët e mbrëmjes së djeshme dhe në orët e para të mëngje...

Koço Kokëdhima kërkon vendimin e shkarkimit

10 Janar 2017, 08:32, Aktualitet CNA

Kur kanë kaluar më tepër se dy javë nga vendimi që mori Asambleja Kombëtare e Partisë Socialiste për shkarkimin e Koço Kokëdhimës nga posti i Sekretarit të PS për Reformën Strukturore dhe Emigracionin, ky i fundit u ka dërguar një kërkesë dy drejtuesve më të lartë të PS-SË, Edi Ramës dhe Gramoz Ruçit në mënyrë që këta ti venë në dispozicion dokumentin e shkarkimit të tij.

Shkresa e Kokëdhimës është nisur në selinë e PS-së që në datën 5 janar 2017 dhe quhet ?Kërkesë për disponim dokumentesh? dhe u drejtohet kreut të PS-së Edi Rama, dhe Sekretarit të Përgjithshëm të PS-së, Gramoz Ruçi. Në kërkesën e tij Kokëdhima kërkon që të njihet me vendimi i Kryesisë së Partisë Socialiste të datës 6 dhjetor 2016, për t?i propozuar Asamblesë Kombëtare, shkarkimin e tij nga posti i Sekretarit për Reformën Strukturore dhe Emigracionin; mocionin e mosbesimit të paraqitur nga Taulant Balla, për shkarkimin e tij nga funksioni i Sekretarit për Reformën Strukturore dhe Emigracionin; dokumentet që i janë paraqitur Asamblesë Kombëtare, mbi bazën e së cilave, është vendosur shkarkimi i tij nga anëtar i Asamblesë Kombëtarë të Partisë Socialiste.

Procesverbalin e seancës së mbajtur për shkarkimin nga anëtar i Asamblesë Kombëtare si dhe një kopje të Statutit mbi të cilin është mbështetur mocioni i paraqitur dhe vendimi i Asamblesë Kombëtare për shkarkimin e tij. Kokëdhima më herët gjatë daljeve të tij publike e ka cilësuar vendimin e marrë nga Asambleja të gabuar dhe të paligjshëm. Ditën që u shkarkua ai akuzoi drejtuesit e PS-së për lojë të ulët politike për ta eliminuar politikisht, duke akuzuar drejtpërdrejt, përpara anëtarëve të Asamblesë Kombëtare të PS-së, Edi Ramën dhe Gramoz Ruçin. Asambleja, pas vendimit për shkarkim, shtoi edhe një pikë tjetër që nuk ishte në rendin e ditës, atë të përjashtimit si anëtar. Kokëdhima, në prononcimet e shumta pa asaj që e cilësoi si ngjarje të turpshme për PS-në, është shprehur se këto vendime janë të gabuara, por edhe të paligjshme, sepse nuk janë mbështetur në statutin e PS-së, e cila ka tre statute, por asnjë të ligjshëm.