E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nga Kastriot Myftaraj/ Franca, në 100 vjetorin e pushkatimit të Themistokli Gërmenjit, përsërit me Ramush Haradinajn të njëjtin skenar

6 Janar 2017, 16:47, Aktualitet CNA

Franca, që është një shtet me kujtesë historike edhe në marrëdhëniet ndërkombëtare, duhet të ishte treguar e kujdesshme që të mos bënte ndonjë gjë që t? i prekte shqiptarët në 2017. Sepse 2017 është viti i 100 vjetorit të pushkatimit të atdhetarit të madh shqiptar Themistokli Gërmenji (korçar me origjinë të hershme kolonjare), me vendim të një gjykate ushtarake franceze.

Themistokli Gërmenji, prijësi i lëvizjes kombëtare shqiptare në Shqipërinë Juglindore, u pushkatua nga francezët, nën ndikimin e grekëve, të cilët mëtonin se të krishterët ortodoksë të Shqipërisë së Jugut ishin grekë. Pushkatimi i Themistokli Gërmenjit ishte pra një kumt i qartë për shqiptarët e krishterë ortodoksë: ?Kështu do ta pësoni nëse thoni se jeni shqiptarë!?
Dënimi i Themistokli Gërmenjit ishte pra një vrasje juridike, jo një ndëshkim ligjor. Zyrtarisht, Themistokliu u akuzua si spiun i Austro-Hungarisë. Por për këtë nuk ka prova. Franca ende ka dokumente sekrete të cilët nuk janë deklasifikuar dhe që kanë të bëjnë me dënimin e Themistokli Gërmenjit. 100 vjetori i vdekjes së Gërmenjit ishte koha e përshtatshme që Franca ta ndriçonte këtë ngjarje.
Në vend që të bënte këtë, Franca, në 100 vjetorin e vrasjes juridike të Themistokli Gërmenjit, përsëriti në thelb të njëjtin skenar ndaj liderëve shqiptarë me arrestimin e Ramush Haradinajt.
Arrestimi i Ramush Haradinajt për llogari të Serbisë, është njëjtë si të ndodhte që politikanët e rëndësishëm francezë të periudhës së pas Luftës së Dytë Botërore, të cilët kishin qenë pjesëmarrës në rezistencën kundër pushtuesve gjermanë në Francën e kohës së Luftës së Dytë Botërore, të arrestoheshin mbi bazën e urdhër-arrestimeve të vjetra që kishte lëshuar Gestapoja për ta.
Nuk është rastësi që një ditë para arrestimit të planifikuar të Haradinajt (shërbimet e fshehta franceze e kanë pasur nën survejim dhe e dinin me siguri sa kohë do të qëndronte ai), u dha lajmi se Presidenti francez Hollande do të vizitonte Shqipërinë në mars. Është një lëvizje diversive që synonte atë që në fjalorin e inteligjencës (shërbimeve të fshehta) quhet perception management, domethënë manipulim i perceptimit të një ngjarjeve. Në këtë rast Franca donte t? u thoshte shqiptarëve të Republikës së Shqipërisë se nuk e ka me ta, por me kosovarët. Por rasti i Themistokli Gërmenjit, për të cilin Franca, për raison d? etat, ende nuk do që të hedhë dritë me dokumente, tregon të kundërtën. Franca e ka me shqiptarët.