web counter
LEXO PA REKLAMA!

SHKARKO APP

App Store
Google Play

E fundit!

x

Agjentë dhe forca speciale ruse në Shqipëri

22 Dhjetor 2016, 07:53, Aktualitet CNA

Shqipëria është vënë në shënjestër të Shtetit Islamik. Vrasja e ambasadorit rus në Turqi duket se ishte vetëm fillimi, pasi ISIS ka publikuar një listë me shtetet ku është planifikuar të zhvillohen sulme terroriste ndaj ambasadave ruse. Janë mediat britanike ato që kanë bërë të ditur lajmin. Sipas ?Daily Mail? dhe ?The Sun?, në listë janë ambasada ruse në Tiranë, si dhe ambasadat po ruse në Iran, Ugandë, Azerbajxhan, etj. Dokumenti i publikuar nga mediat britanike është bërë i ditur nga vetë krerët e ISIS, të cilët kanë informuar xhihadistët e tyre në këto shtete, duke u dhënë adresat dhe informacionet e ambasadave në fjalë.

Kjo ka bërë që në të gjitha këto shtete të rritet siguria. Sipas burimeve, në ditët në vijim në Tiranë pritet që të mbërrijnë agjentë sekretë nga Rusia dhe forca sigurie për të ruajtur ambasadën, teksa mësohet se është vënë në lëvizje Shërbimi Informativ Shtetëror. Ndërkohë ishte vetë Presidenti, Vladimir Putin, ai i cili ka urdhëruar shërbimet ruse që të dërgojnë agjentë në të gjitha ambasadat ku ka rrezik, përfshirë dhe Shqipërinë. Kjo do të thotë se në Tiranë do të ketë spiunë nga Rusia, por dhe ushtarë profesionistë. ?U kërkoj shërbimeve speciale të ndërmarrin masa shtesë për të siguruar sigurinë brenda dhe jashtë Rusisë, për të rritur sigurinë e institucioneve ruse dhe punonjësve rusë jashtë vendit?, ka thënë Putin.

Mësohet se SHISH dhe shërbimi sekret rus kanë nisur bashkëpunimin mes tyre me qëllim që të shmanget çdo lloj sulmi terrorist. Nga ana tjetër në lëvizje është vënë dhe policia, e cila ka shtuar forcat pranë disa ambasadave. Përveç asaj ruse, policë të RENEA janë parë edhe pranë ambasadës gjermane dhe asaj turke. Kjo do të thotë se për disa javë ambasadat do jenë të blinduara, teksa në Tiranë do ketë shërbime të huaja dhe do kalojnë në sitë të gjithë qytetarët. Bashkë me Shërbimin Informativ pritet të kryen përgjime dhe të vihen në vëzhgim individë të dyshuar për lidhje me ISIS.





Lajmet e fundit nga