E fundit!

17:15 Aktualitet

Sondazhi/ A i mbështesni protestat e fundit kundër qeverisë?

Në kryeqytet janë zhvilluar prej disa ditësh protesta kund...

Probleme me prostatën?/ Këto janë ushqimet që rekomandohen

17 Dhjetor 2016, 22:00, Lifestyle CNA

Pretendohet se mënyra e ushqyerjes së meshkujve ndikon në rritjen e rrezikut e kancerit të prostates, ky rezultat vjen sipas studimeve të fundit.

Lexoni më poshtë disa prej ushqimeve që duhet t’i hani nëse keni probleme me prostatën

1. Një program i pasur me fibra, karbohidrate, me pak yndyra dhe proteina ul me 70% rrezikun e kancerit të prostatës. Këtu ka shumë rëndësi lloji i burimit të karbohidrateve. Ndërkohë që karbohidratet komplekse ulin rrezikun, karbohidratet e thjeshta e rrisin atë.

2. Krahas kësaj edhe konsumimi i tepërt i qumështit rrit rrezikun e kancerit. Studimi ka treguar se vetëm qumështi e rrit këtë rrezik, ndërsa produktet e tij si kosi, djathi, akullorja etj nuk përbëjnë rrezik.

3 . Ashtu si tek sëmundjet e tjera sindroma metabolike ndikon negativisht edhe tek kanceri i prostatës.

4. Edhe niveli i mineralit kalcium është shumë i rëndësishëm. Personat që kanë një nivel të ulët kalciumi në gjak janë më të rrezikuar nga kanceri i prostatës se ato që kanë një nivel normal.

5. Tregoni kujdes dhe konsumoni të paktën 2 litra ujë në ditë.

6. Pakësoni konsumimin e alkoolit dhe pijeve me acidë dhe kafeinë.

7. Ushqehuni me produkte të pasura me fibra, zarzavate, fruta, bishtajore dhe drithëra.

8. Minimizoni konsumin e mishit të kuq, përpiquni të konsumoni mishin e pulës dhe peshkun. Acidi omega 3 i gjendur tek peshku mbron ndaj prostatës.

9. Ushqehuni me produkte të pasura me antioksidues, veçanërisht me likopen dhe vitaminë C të cilët janë dy përbërës shumë të rëndësishëm në luftimin e kancerit. Konsumoni shumë domate dhe shalqi.

10. Seleniumi njihet si mbrojtës kundër prostatës, shkruan Start. Tek personat me probleme të prostatës është vënë re një nivel i ulët seleniumi.

11. Zinku është një mineral i rëndësishëm për trupin tonë. Mungesa e tij ndikon negativisht në funksionet qelizore.

12. Mbani gjithmonë në kuzhinën tuaj produkte si brokoli, lakra, lulelakra, grejpfurtin e kuq, shalqirin, domaten, çajin jeshil dhe hudhrën.