Emra dhe fakte/ PAA: Si po vidhen dhe blihen votat në Kolonjë

20 Nëntor 2016, 16:41, Aktualitet CNA

Partia Agrare Ambientaliste pretendon se në Kolonjë po blihen votat.

Në një deklaratë për mediat, kjo forcë politike denoncon publikisht blerjen e votës nga mazhoranca, ndërsa e akuzon këtë të fundit edhe për presion ndaj votuesve.

Njoftimi i plotë i PAA-së:

PAA denoncon publikisht blerjen e votës nga ana e eksponentetëve të mazhorancës. Konkretisht flasim për qendrën 4040 e cila korrespondon me zonën administrative Clirim të Erskesës. Pranë qendrës së votimit nw fjalw janë vendosur dy tavoloina ku persona të caktuar dhe të identifikuar nga ana jonë si persona afër mazhorancës kanw shënuar emrat e votuesëve para dhe pas votimit, duke ushtruar presion dhe ajo që është më e rëndë duke dhënë para hapur votuesëve.

Po ashtu denocojme aktet mafioze të një nate më parë ku persona paramilitare të armatosur dhe të maskuar kanë ushtruar presion dhe dhunë ndaj qytetarëve në Leskovik duke u thënë që qyteti është i yni. Kjo ngjarje është shënuar mëngjesin e sotëm rreth ore 02.00 të mëngjesit. Ndëkohë që policia ka qënë inekzitente.

Thoma Gëllçi, drejtori aktual i RTSH prej dy ditës është në zonën e Kolonjës duke bërë propagandë hapur për kandidatin e mazhorancës.

Në zonën e Barmashit militantët e mazhorancës janë evidentuar duke bërë presion për deklarim të hapur të votës në qëndrën e votimit. Rezistanca jonë për zbatimin e kodit zgjedhor për fshehtësinë e votës solli edhe një konfrontim fizik ku këta militant sulmuan përfaqësuesit dhe vazhguesit e stafit të kandidatit Dritan Hajro. Gjë për të cilën kemi depozituar kallëzim penal.

Policia e Kolonjës ka ushtruar dhe vijon të ushtrojë kontroll në mjetet e mbështetësve të kandidatit Hajro në mënyrë të njëashme duke ushtruar në këtë mënyrë dhunë psikologjike.

Sa më sipër të gjitha janë shkleje të rënda të koditi zgjedhor të cilat rrezikojnë seriozisht këtë zgjedhje.

I bëjmë thirrje popullit fisnik e të mençur të Kolonjës të ruajë dinjitetin e tij dhe të mos bjerë pre e shitjes së vullnetit të votës së lirë. PAA do të shfrytëzojë të gjitha resurset e saj që këto zgjedhje të përfundojnë siç e parashikon edhe ligji. /Citynews