E fundit!

15:50 Kronika

Tentoi të godasë me thikë efektivin e Rrugores dhe t'i marrë armën/ Vihet në pranga 38-vjeçari në Tiranë

Një 38-vjeçar është arrestuar ditën e sotme afër kthesës s...

Vlerësimi i Këshillit të BSH/ Ahmetaj: Notë pozitive për rritjen ekonomike

9 Nëntor 2016, 20:48, Aktualitet CNA

Ministri i Financave, Arben Ahmetaj ka komentuar vlerësimin e Këshillit Mbikëqyres të Bankës së Shqipërisë. Përmes një postimi në rrjetet sociale, Ahmetaj shprehet se peshën kryesore në rritjen ekonomike edhe gjatë gjysmës së parë të vitit, kanë vijuar ta mbajnë konsumi dhe investimet private. Sipasi tij, parashikimet për periudhën në vijim mbeten optimiste.

Më poshtë postimi i ministrit Ahmetaj në rrjetet sociale

Vlerësimi i Këshillit Mbikqyrës të Bankës së Shqipërisë për ecurinë e ekonomisë shqiptare, është një tjetër notë pozitive për performancën e qendrueshme e të konsoliduar të rritjes dhe përshpejtimit të aktivitetit ekonomik në vend.

?Zgjerimi i aktivitetit ekonomik ka sjellë rritje të punësimit e ulje të papunësisë. Lëvizja graduale e ekonomisë drejt ekuilibrit krijon premisa për rritje të pagave dhe të kostove të prodhimit në horizontin afatmesëm. Këto tendenca janë reflektuar në rritjen e inflacionit bazë? ? nënvizon BSH.

Peshën kryesore në rritjen ekonomike edhe gjatë gjysmës së parë të vitit, kanë vijuar ta mbajnë konsumi dhe investimet private, si rezultat i përmirësimit të besimit, rritjes së punësimit dhe shfrytëzimit më të lartë të kapaciteteve prodhuese, si dhe nga flukset hyrëse të investimeve të huaja direkte.

Politika fiskale vazhdon të ketë një kurs konsolidues, çka ka prodhuar dhe një suficit buxhetor prej rreth 10.6 miliardë lekësh deri në muajin shtator.

Edhe parashikimet për periudhën në vijim mbeten optimiste, në termat e rritjes ekonomike, të nxitur nga investimet private dhe konsumi dhe më së fundmi, edhe rigjallërimi i kreditimit.