web counter
LEXO PA REKLAMA!

SHKARKO APP

App Store
Google Play

E fundit!

x

Totozani: Rekomandimi i KE-së për çeljen e negociatave të Shqipërisë me BE-në një moment historik

9 Nëntor 2016, 16:10, Aktualitet CNA

Avokati i Popullit, z. Igli Totozani, përshëndet dhe vlerëson qëndrimin e Komisionit Europian në Progres-Raportin për Shqipërinë dhe rekomandimin pozitiv për çeljen e negociatave të vendit tonë me Bashkimin Europian.

?Ky është një lajm i gëzuar, është një moment historik dhe i merituar për të gjithë qytetarët shqiptarë?, shprehet Avokati i Popullit, z. Igli Totozani.
Z. Totozani shpreh falënderimin e veçantë për mbështetjen e jashtëzakonshme dhe ndihmën e pakursyer që i ka dhënë Komisioni Europian, Avokatit të Popullit, në sfidën e vështirë të parandalimit, mbrojtjes dhe promovimit të të drejtave të njeriut.
Avokati i Popullit e vlerëson maksimalisht këtë raport, si një program pune të përditshëm të funksionimit të institucionit, në mënyrë të veçantë për mbrotjen e më të dobtëve, grupeve më vulnerabël, minoriteteve etj.
Avokati i Popullit do të vazhdojë bashkëpunimin e ngushtë me Komisionin Europian në dobi të axhendës europiane të Shqipërisë dhe në mënyrë të veçantë në mbrojtjen e të drejtave të njeriut në vend, si dhe do të vijojë të ofrojë kontributin e tij në arritjen sa më shpejt të të gjitha objektivave të integrimit europian.





Lajmet e fundit nga