web counter
LEXO PA REKLAMA!

SHKARKO APP

App Store
Google Play

E fundit!

x

Gazetarja dëshmon në Komision/ Më shkarkuan nga presioni i Veliajt për skandalin e Sharrës

9 Nëntor 2016, 13:31, Aktualitet CNA

Komisioni Parlamentar i Edukimit dhe Mjeteve të Informimit Publik, zhvilloi degjesën me ish – Drejtoreshën e Informacionit në televizionin A1News, Alida Tota, e cila u shkarkua nga puna menjëherë pas publikimit te investigimit në landfillin e Sharrës, ku u denoncua fshehja e krimit në landfill dhe shfrytëzimi për punë të rënda i dhjetra fëmijëve si dhe kushtet cnjerëzore ku punonin mbi 300 gra dhe burra, të gjithë pa kontrata pune.

Dëgjesa me gazetaren Tota dhe perfaqësuesin e Shoqatës së Gazetarëvë Profesionistë, Aulon Kalaja u bojkotua nga deputetët e Partisë Socialiste, ndërsa u ndoq nga afër nga përfaqësia e Delegacionit të Bashkimit Europian, Zyra e Këshillit të Europës, prezenca e OSBE-së dhe ambasada italiane.

Gazetarja Tota denoncoi influencën e Kryetarit te Bashkisë së Tiranës, Erion Veliaj ne shkarkimin e saj nga puna, pak kohë pas sms së dërguar, ku i kërkohej prononcim zyrtar për gjetjet e investigimit.

Tota deklaroi se shantazhet dhe kërcënimet në adresë të saj dhe të ekipit editorial vazhduan për disa orë, deri në shkarkimin e menjëhershëm të saj nga puna.

Gazetarët Tota dhe Kalaja shprehën shqetësimin për përshkallëzimin e censurës në media dhe kërkuan nga Komisioni i Medias të adresojë problemet e mprehta që përballet sot gazetaria në Shqipëri e sidomos ajo investigative, ku denoncohen krimet e rënda, korrupsioni politik, abuzimet e pushtetit dhe lidhjet e tij të dyshimta me koorporata, përfshi edhe ato me profil politik.

Parlamenti shqiptar dhe ai Europian shprehën shqetësim  për censurën e medias në deklaratën  e djeshme në Bruksel. /Citynews

 

 

 

 

 

 

 





Lajmet e fundit nga