web counter
LEXO PA REKLAMA!

SHKARKO APP

App Store
Google Play

Dokumentat-Skandal me koncesionin e rrugës Durrës-Kukës/ Ankimi u pranua jashtë afatit ligjor

21 Tetor 2016, 15:47, Aktualitet CNA

Rruga Durrës-Kukës e quajtur ndryshe Rruga e Kombit nuk i ka shpëtuar skandalit dhe dyshimeve të forta për një aferë të fortë korruptive e cila mund të ketë ?ngrënë? edhe kokën e Ministrit Haxhinasto.

Citynews ka mundur të sigurojë materialet e plota të procedurave të këtij koncesioni per segmentin Milot – Morine.

Një beteje midis Ministrisë të Transportit dhe Infrastrukturës me KPP (Komisionin e Prokurimit Publik).

Duket të jetë një ?luftë? e madhe për një koncesion dhjetra milionë euro ku KPP ka shpallur fituese në fund firmën e skualifikuar nga KVO (Komisioni i Vlerësimit të Ofertave) në Ministrinë e Trasporteve dhe Infrastrukturës.

Sipas dokumentave që disponon Citynews, përplasja e institucioneve është me argumenta ligjorë dhe palët  këmbëngulin mbi të drejtën e tyre. Ministria sqaron dhe thekson pse ka bërë skualifikimin, por KVO përdor tjetër argument dhe logjikë ligjore.

Sot po sjellim një pikë të rëndësishme të këtij skandali që ka hije të forta për korrupsion nga KPP e cila ka pranuar një ankimim jashtë afateve ligjore.

Sipas një dokumenti të siguruar nga Citynews, ministri i asaj kohe Edmond Haxhinasto i drejtohet KPP duke theksuar dhe saktesuar datën e ankimimit dhe kalimin e saj me 5 ditë, çka sillte lënien në fuqi të vendimit të KVO, dhe fitues do ishte firma e shpallur nga ministria. KPP jo vetëm nuk e vlerëson këtë fakt por jep një vendim të ndryshëm, shqyrton ankimimin edhe pse jashtë afateve ligjore dhe shpall fitues firmën e skualifikuar duke hequr fituesin e parë. Sot po sjellim dokumentin e parë, Citynews do ta investigojë dhe zbardhë të plotë këtë ccështje që është skandali më i fundit i qeverisë Rama dhe strukturave në varësi të tij./Citynews





Lajmet e fundit nga