web counter
LEXO PA REKLAMA!

SHKARKO APP

App Store
Google Play

VIDEO - Teatri me shqiptarët/ Dje akuzoheshin rëndë, sot Rama dhe Dogjani bashkë në kafe

20 Tetor 2016, 12:42, Aktualitet CNA

Në seancën e 23 shtatorit në Parlament pati një debat të ashpër mes kryeministrit Edi Rama dhe deputetit të Partisë Demokratike Asllan Dogjani. Ky I fundit e akuzoi kreun e qeverisë dhe ministrin e brendshëm Saimir Tahiri për implikim në trafikun e kanabisit, por sot gjërat duket se janë ?sheshuar?.

Siç e patë edhe në fotot ekskluzive që solli Citynews, Rama dhe Dogjani ishin bashkë sot, në një tavolinë, në barin e Kuvendit, bashkë me dy deputetë të tjerë të PD-së, Luçiano Boçin dhe Bedri Mihajn.

Këto fakte nuk tregojnë gjë tjetër veçse teatrin e shëmtuar që politikanët, si nga mazhoranca ashtu edhe nga Opozita, luajnë çdo ditë me shqiptarët.

Kujtojmë se Asllan Dogjani, para se të bëhej deputet i PD-së, ka qenë deputet i Partisë Socialiste. /Citynews

Debati Rama-Dogjani në Parlament më 23 shtator 2015:

Edi Rama: Kështu siç e keni nisur, besoj vërtet se nuk keni parë gjë akoma e çfarë nuk do shihni në këtë parlament.

Asllan Dogjani: Lëri llogjet. Mbaj fjalën që u ke dhënë shqiptarëve për rilindje ekonomike.

Taulant Balla: Ulu ti, ulu.

Asllan Dogjani: Mos më thuaj ti ulu.

Edi Rama: Ti Asllan, me atë emër që ke ik dhe apliko për nënshtetësi gjermane.

Asllan Dogjani: Jam krenar për emrin tim.

Edi Rama: Është e lehtë të kthehesh nga shqiptar në gjerman. Sidomos kush ka ikur nga Ps tek PD, e ka të thjeshtë këtë punën e shtetetësisë.

Asllan Dogjani-Valentina Leskajt: Kam një kërkesë

Edi Rama-Dogjanit: Ti ik në ambasadë gjermane. Atje bëji kërkesat, jo këtu.

Asllan Dogjani-Ramës: Ik ti në Gjermani se mbase të pranojnë se ke emër abstrakt.





Lajmet e fundit nga