E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Skenar i frikshëm që rrezikon Shqipërinë/ Mund të përfundojmë si Kolumbia apo Filipinet (TABELA)

17 Tetor 2016, 10:20, Aktualitet CNA

Shtetet që janë bazuar te kultivimi i narkotikëve sot janë më të varfëra se fqinjët e tyre, janë të zhytura në konflikte sociale dhe kanë rankim më të përkeqësuar në indeksin e zhvillimit njerëzor, ndërsa disa prej tyre janë shtetet me numrin më të lartë të vrasjeve në botë për 100 mijë banorë.

Shembujt më të mirë janë ato të Kolumbisë dhe Bolivisë në Amerikën e Jugut, Guatemalës dhe Nikaraguas në Amerikën Qendrore, Laos dhe Afganistanit në Azi, Filipineve në ishujt e Azisë dëshmojnë se kultivimi masiv i substancave narkotike nuk ka ndikuar në rritjen e mirëqenies krahasuar me vendet fqinje që zhvillimin e tyre ekonomik e kanë bazuar jo te aktivitetet kriminale.

Kolumbia, prodhuesi më i madh në botë, për 30 vite ka qenë në frontin kryesor në luftën globale kundër drogave, duke jetuar nën terrorin e karteleve të fuqishme dhe më pas në luftën për të shënjestruar kultivuesit përmes një plani të mbështetur nga SHBA, shkruan “The Guardian” në një artikull të fundit.

Kolumbia renditet e 11-ta në botë për vrasjet për 100 mijë banorë (30.8), sipas Zyrës së Kombeve të Bashkuara për Drogën dhe Krimin.

Historia përsëritet edhe në kontinente të tjera, ku shtetet që kanë ?eksperimentuar? me pasurimin e shpejtë përmes kultivimit të kanabisit apo kokainës sot po rezultojnë që kanë të ardhura më të ulëta se fqinjët dhe një indeks të zhvillimit njerëzor më të përkeqësuar.

Në Amerikën Qendrore, Guatemala dhe Nikaragua kanë të ardhura deri në pesë herë më të ulëta se fqinji i tyre Kosta Rika, të ardhurat e të cilit për frymë i kalojnë 10 mijë dollarë. Me një mesatare prej 100 vrasjesh që kryhen në muaj, Guatemala me një popullsi prej 16 milionë banorësh, është e pesta në botë për vrasjet për 100 mijë banorë. Në indeksin e zhvillimit njerëzor Guatemala është e 129-ta dhe fqinj, Kosta Rika, e 69-ta.

Në Azi, Afganistani ka të ardhura minimale për frymë 600 dollarë, ndërsa Filipinet janë një tjetër shembull, ku droga jo vetëm nuk ka rritur mirëqenien e popullsisë, por sot vendi ka 3% të popullsisë të varur nga substancat narkotike.