web counter
LEXO PA REKLAMA!

SHKARKO APP

App Store
Google Play

Bode: Qeveria të indeksojnë rritjen e çmimit të mallrave të shportës

17 Tetor 2016, 17:32, Aktualitet CNA

Edhe pse vendosja e minumimit jetik është një detyrim i qeverisë, deri në këto vite asnjë qeveri nuk ka përcaktuar shifrën zyrtare. Në një prononcim për gazetaren Erblina Mile te OraNews, deputeti demokrat njëkohësisht ish-ministër  i Financave Ridvan Bode deklaron se gjithësesi përllogaritjet bëhen çdo vit. Sipas Bodes e rëndësishme është që të ofrohet indeksim për këto shtresa.

Bode: Minimumin jetik e kanë përllogaritur sindikatat, pavarësisht nga minimum jetik ju e dini që ka një kontratë midis sindikatave dhe qeverisë që qeveritë duhet detyrimisht të indeksojnë rritjen e çmimit të mallrave të shportës. Ky është minimum i qëndrimeve që duhet të mbajë qeveria në raport me marrëveshjen e sindikatave.

Ndërkohë deputeti Ervin Bushati  pranon se duhet të ketë më shumë  vëmendje  për tu ardhur në ndihmë kësaj kategorie.

Bushati: Ne e kuptojmë që ka akoma shumë për të bërë sidomos në një vend që e kanë nisur pothuajse nga hiçi, po të kemi parasysh që  nga viti 1990 deri në ditët që flasim Shqipëria ka bërë zhvillimd he përparim ekonomik, prap jemi të ndërgjegjshëm që ka dhe shtresa sociale që janë më të aksidentuara apo më të dëmtuara dhe kanë nevojë për një mbështetje më të madhe.

Shqipëria edhe pse ka mbi 25 vite demokraci asnjë qeveri nuk ka përcaktuar një minimum jetik në bazë të cilit do të përcaktohet ndihma sociale apo paga minimale.





Lajmet e fundit nga