E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Arrestimi i “ushtarëve” të Shullazit/ Ja të gjithë biznesmenët e përfolur si të gjobitur

14 Tetor 2016, 10:18, Aktualitet CNA

Arrestimi i dy bashkëpunëtorëve të Emiljano Shullazit një ditë më parë i ka dhënë prova të tjera prokurorisë në lidhje me këtë dosje, si dhe personat që kanë bashkëpunuar me të.

Por arrestimi i Endrit Qyqes dhe Endrit Zelës për gjobëvënie duket se është edhe konfirmimi i zërave për gjobëvënie nga ana e bandës që sipas prokurorisë drejtohet nga Emiljano Shullazi dhe Gilmano Dani.

Për prokurorinë këta dy persona janë edhe kokat e kësaj organizate.

Por si i janë marrë lekët biznesmenit Yllvi Beqaj?

Burime nga prokuroria kanë bërë të ditur se me anë të kërcënimeve me armë, biznesmeni është detyruar të nënshkruajë para noterit kontratën e dhurimit në vlerën 30 për qind të vlerës së ish-hotel Vollgës. Gjatë gjithë bisedave të bëra i pranishëm ka qenë edhe personi tjetër në hetim, Gilmando Dani, i cili ka qenë në dijeni të të gjitha bisedave të bëra dhe veprimeve të kryera mes Emiljano Shullazit dhe biznesmenit.

Nga ana tjetër, në të gjitha rastet e zhvillimit të takimeve të biznesmenit me personin në hetim Emiljano Shullazi, ky i fundit ka qenë i shoqëruar me disa persona të cilët lëviznin me disa makina.

Edhe në momentin e përpilimit të kontratës së dhurimit, Emiljano Shullazi ka ketë qenë i shoqëruar me shumë persona, të cilët ruanin vendin përreth. Edhe prania e këtyre personave të tjerë ka ndikuar në krijimin e një situate të posaçme për kërcënim ndaj biznesmenit.

Në bazë të hetimeve ka rezultuar se Shullazi dhe Dani dyshohet se i kanë marrë një biznesmeni shuma parash në kohë të ndryshme, duke e kërcënuar fizikisht si dhe duke ushtruar dhunë fizike. Sipas hetuesve të çështjes, vlera e gjobës arrin në shumën e 1 milion eurove, shkruan Gazeta Shqiptare.

Në disa nga rastet e kërcënimit për dhënie pasurie, në shoqërinë e Shullazit dhe Danit kanë qenë edhe Endrit Qyqja dhe Endrit Zela. Po në bazë të veprimeve hetimore, rezulton se Qyqja dhe Zela kanë qenë të pranishëm në disa momente kur Emiljano Shullazi ka bërë kërkimin e padrejtë të sasisë monetare.

Gjithashtu, këta persona kanë përfituar shuma në lekë të lëvruara me çek nga ana e biznesmenit të dëmtuar, në favor të tyre, me porosi të Emiljano Shullazit.

Biznesmenët e tjerë që dyshohet se janë gjobitur

Shefqet Kastrati dhe administratori i kafe ?Pascuçi?-t, Adrian Bardhi ishin dy biznesmenët të cilët u përfolën si persona që Shullazi u kishte vendosur gjoba të mëdha. Me deklarata publike këta deklaronin se nuk ishte e vërtetë që u ishin vendosur gjoba duke thënë se nuk e njihnin fare Emiljano Shullazin.

Reagimi i Kastratit ndodhi vetëm pak orë pas publikimit të kërkesës së prokurorisë që rendiste emrin e tij në listën e katër biznesmenëve që ishin gjobitur nga ana e Shullazit. Në fakt dokumenti i prokurorisë u bë publik para se të shkonte në Gjykatë, e për pasojë edhe shoqëria ?Kastrati? mundi të realizonte një reagim të hershëm.

Ndërsa Adrian Bardhi, në reagimin e tij, ka qenë i prerë, jo vetëm duke mohuar të ketë ndodhur diçka e tillë me të dhe me biznesin që ai administron, por iu ka kërkuar të gjithë klientëve të tij të mos humbin besimin, pasi materiali i prokurorisë nuk është i vërtetë. Madje nëpërmjet këtij reagimi, kompania saktëson se ka dyshime të arsyeshme që gjithçka bëhet për t?i prishur imazhin kësaj kompanie, ndërsa hedhin poshtë me forcë të jenë gjobitur.

Vetëm Xhevdet Troplini, nga emrat e nxjerrë nga prokuroria e Krimeve të Rënda, nuk ka reaguar publikisht, ndërsa mësohet se denoncuesi, biznesmeni Jani Zaka, jo vetëm që ka denoncuar se është kërcënuar, por ai edhe ka ikur fare nga Shqipëria në momentin që iu lakua emri në media për Shullazin dhe bandën e tij.

Ortaku i Shullazit te ?Vollga?

Një prej atyre që konsiderohen si pronarë të ish-hotel ?Vollga?, ndonëse nuk dihet se si janë të tillë, ka dalë dje në një deklaratë për mediat, ku mohon të ketë dijeni për dhurimin e pronës së tij te Shullazi nga ana e ortakëve arabë. Edhe ai pasoi dy biznesmenët në deklaratat e tyre,

ndonëse me përmbajtje të ndryshme. Reagimi vjen dy ditë pasi në media u publikuan dokumente, ku tregohej se Shullazi ka marrë përmes shtrëngimit për dhënie pasurie këtë hotel.