web counter
LEXO PA REKLAMA!

SHKARKO APP

App Store
Google Play

Ministria e Arsimit apo “MINISTRIA E KONFUZIONIT DHE EMERGJENCAVE ARSIMORE“?

14 Tetor 2016, 09:06, Aktualitet CNA

Nga Bardhyl Musai – Shkatërrimi i sistemit të Maturës Shtetërore, i meritës dhe preferencës, i paralajmëruar muaj më parë, po i jep efektet e veta negative përmes kaosit, paqartësive të procesit të aplikimeve dhe të pranimeve në institucionet e arsimit të lartë. Ministria e Arsimit përgatiti në korrik udhëzimin 13, për procedurat e aplikimit dhe regjistrimit në IAL-të, por në 6 shtator del udhëzimi 22, për shtesa dhe ndryshime të atij të mëparshëm.

Më datë 7 tetor (e premte pasdite) del udhëzimi 24 për shtesa dhe ndryshime të tjera të po atij udhëzimi të korrikut.

Dje, pas përfundimit të orarit zyrtar, dërgohet udhëzimi tjetër, 24/1, për shtesa dhe ndryshime të tjera të po atij udhëzimi të korrikut.

Sot, më datë 14, kandidatët duhet ta dinë se ?….brenda datës 16 tetor humbin të drejtën e regjistrimit nëse….? (vetëm 2 ditë kohë, e shtunë dhe e diel!). Më pas u jepen dy ditë afat 17-18 tetor për regjistrim. Pas fazës së dytë vijnë disa faza 48 orëshe regjistrimi, të tilla janë 4, ?shpikje? e paparë kjo deri më sot, që sipas meje, sekretaritë do të punojnë 24 orë NON STOP për regjistrime.

Udhëzimi i ministres përcakton se mësimi në të gjitha IAL-të fillon më 20 tetor, por sipas udhëzimit të fundit regjistrimet do të vazhdojnë deri më 27 tetor. Mësimi fillon, regjistrimet vazhdojnë!

Çfarë e ka penguar ministrinë që të mos i përgatitë në kohë udjëzimet por me ngut i ndryshon herë pas here ato, sikurse ka ndodhur shpesh në këto tre vjet?

Paqartësitë dhe çoroditja e tërë këtij procesi sa vjen e shtohen, në vend që të rregullohen mangësitë, ato thellohen duke vepruar gjithnjë në kushte emergjence.





Lajmet e fundit nga