E fundit!

17:15 Aktualitet

Sondazhi/ A i mbështesni protestat e fundit kundër qeverisë?

Në kryeqytet janë zhvilluar prej disa ditësh protesta kund...

Ngjela, pseudo-liberalët dhe Opozita

14 Tetor 2016, 08:08, Aktualitet CNA

Disa vite më parë një grup liberalësh u shfaqën në politikën shqiptare. Ishin disa të rinj me ambicie në politikë, të cilët kishin teori që i pretendonin si liberalë dhe anglosaksone. Në fakt strumbullari, ideatori, babai, lideri shpirtëror ishte një personazh i njohur për publikun, Spartak Ngjela.

Avokat Ngjela është një personazh i njohur që fillesat e jetës së tij publike dhe politike i ka në Bllokun komunist. Ai është rritur në ?gjirin e partisë?, një enverist i thekur por si shumë bllokmenë per shkak te mundesive qe ofronte sistemi luanin rolin e rebelit apo si silleshin si modernistë, kjo jo duke tejkaluar liritë, por duke përdorur ofiqet e kohës.

Pra Ngjela është thjesht një ish komunist i rebeluar në rininë e tij çka solli edhe burgosjen. Dikush thotë për politike, dikush pë hjakmarrje, dikush për sharlatanizëm. Historia e tij politike na tregon se kush është djaloshi i bllokut dhe pensionisti i gjykatave sot.

Prag të viteve të demokracisë Ngjela na u bë demokrat i madh.

Themelues i Partise Kristiano Islamike, mocionist ne 1992, shkrues i fjalimeve te Azemit, komplotist per te rezuar qeverine e PD dhe nje pjesemarres kryesor ne rebelimin e 1997.

Më pas bëhet legalist. 97 e famshme e gjen ministër, pas kësaj braktis monarkinë dhe bëhet sërish demokrat. Më pas kandidon përballë Edi Ramës duke ? i shitur? bashkinë e kryeqytetit. Më pas u bë deputet. Me çimkën në vesh për interesa personale shkakton një skandal publik. Megjithëse një plakush energjik Ngjela ikën edhe nga PD-ja duke krijuar një parti dhe shkon në sqetullën e Ramës.

Me pak fjalë, komunist, demokrat, legalist, socialist, njeriu që flet si angloskson për tregjet dhe kapitalet.

Produktet e Ngjelës

Një nga produktet e Ngjelës është ai i përmendur në fillim, grupi i liberalëve. Disa të rinj që u afruan me Berishën dhe u përdorën për imazh politik. Në fakt, më shumë se teori liberale ato ishin manovra mediatike që përfunduan me shpartallimin e grupit dhe teoritë liberaliste të Ngjelës dhe që tashmë kanë mbetur ne duart e ?djalit të tij të vetëm?, Henri Çili.

Ky i fundit njësoj si Ngjela shkon sa majtas-djathtas dhe anasjelltas, kërkon të fitojë Berisha për herë të tretë, Rama për herë të dytë, i cili thjesht është një kopje e ?babait shpirtëror?, Spartak Ngjela.

Djaloshi nga Labinotri është admires i Ngjelës, teorive të tij liberale dhe është po aq sharlatan publik për çështje politike sa edhe vetë avokati, të cilit gjithçka i falet në pleqërinë e tij.

Por problemi nuk është Ngjela, i cili tashmë në perëndimin e tij pa shkëlqim kërkon të nxjerre brezin e tretë të trashëgimtarëve dhe produkti më i spikatur është Ervin Salianji. Ky i fundit duket një djalosh ambicioz po i sëmurë për daljet publike, për shashka, broçkulla dhe teorira. /Citynews